Úkimet óz mindetin atqara beredi

Keshe Táýelsizdik saraıynda ótken Elbasyn ulyqtaý salta­na­tynan keıin Premer-Mınıstr Kárim Másimov Konstıtý­sııa­nyń 70-babynyń 1-tarmaǵyna sáıkes, Úkimettiń jańadan saı­lan­ǵan Qazaqstan Respýblıkasy Prezıdentiniń aldynda óz ókilettigin toqtatatynyn habarlady. Aldymen Kárim Másimov Úki­met músheleri atynan El­basy Nur­sultan Nazarbaevty saılaý­da­ǵy jeńisimen jáne Prezıdent retinde resmı iske kirisýimen qut­tyqtady. Men barlyq Úkimet múshelerine bir­lese qoıan-qoltyq jumys at­qarǵan jyldar úshin al­ǵy­symdy jetkizgim keledi. Me­nińshe, bizder Qazaqstan halqyna, Elbasyna adal qyzmet ettik. Men osynda otyrǵan árbirimiz osy qu­ramda jumys atqarǵan ár kúnimiz úshin uıalmaımyz dep oılaımyn. Biz qolymyzdan kelgen istiń bar­lyǵyn istedik. Endi basqalar bizden góri jaqsyraq istesin. Men óz atymnan áriptes bop jumys atqarǵan árbir kún úshin sizderge úlken rahmet aıtqym keledi, dedi ol. Budan soń K.Másimov Konstı­tý­sııanyń 70-babynyń 1-tar­ma­ǵy­na jáne  Qazaqstan Res­pýb­lı­kasynyń Úkimeti týraly Konstı­tý­sııalyq zańnyń 4-ba­byna sáı­kes Qazaqstan Respýb­lıkasynyń jańadan saılanǵan Prezı­denti­niń aldynda óz ókilettigimizdi toq­tatamyz, deı kele qujatqa óz qolyn qoıdy. Osy kúni, ıaǵnı 8 sáýirden bastap jańa merzimdegi prezıdenttik qyzmetine kirisken Memleket bas­shysy Nursultan Nazarbaev jańa Úkimet quramy bekitilgenge deıin qazirgi Úki­mettiń óz mindetterin atqara be­retindigi týraly Jar­lyq­qa qol qoıdy. Venera TÚGELBAI.