Yqylasty quttyqtaýlar, izgi tilekter

Qazaqstan Prezıdenti Nursultan Nazar­baev­­tyń atyna memleket, úkimet basshy­la­ry­nan, halyq­ara­lyq uıym­dar­dyń jetekshi­le­rinen saılaýdaǵy jeńisine baı­la­nysty quttyqtaýlar kelip túsýde

* * *

Germanııa Federatıvti Respýblıkasynyń Federaldy kansleri Angela Merkel Nur­sul­tan Nazarbaevty Qazaqstan Respýb­lı­ka­sy­nyń Prezıdenti bolyp qaıta saılanýy­men shyn júrekten quttyqtady. Quttyq­taýda bylaı delingen: Qurmetti Prezıdent myrza, Sizdi Qazaqstan Respýblıkasynyń Prezıdenti bolyp qaıta saılanýyńyzǵa oraı shyn júrekten quttyqtaımyn. Men Sizge  jaýapty qyzmetińizdiń jalǵasynda úlken jetistikter men sáttilik tileımin. Men ótken jyldyń shilde jáne jeltoqsan aılarynda Astanaǵa jasaǵan saparlarym kezinde aramyzda bolǵan qyzyqty áńgimelerdi qýana eske alamyn. Sizge kórsetken qonaqjaılyǵyńyz úshin taǵy bir ret alǵysymdy bildirgim keledi.   Memleket basshysy Nursultan Nazar­baev­ty prezıdenttik saılaýdaǵy senimdi jeńi­simen Eýropalyq Komıssııanyń Prezıdenti Joze Manýel Dıýrao Barrozý quttyqtady. Qut­tyq­taýda bylaı delingen: Meniń Sizdi Qazaqstan Respýblıkasynyń Pre­zıdentine qaıta saılanýyńyzben quttyq­taǵym keledi. Eýropalyq Komıssııa EO-men Sizdiń elińizdiń qarym-qatynastaryn jalǵastyrýdy jáne keńeı­týdi asyǵa kútedi. Biz elde jalǵasyp jatqan ekonomıkalyq jáne saıası reformalardyń aıasynda odan keıingi yntymaqtastyqqa da daıynbyz.   Memleket basshysy Nursultan Nazar­baevty saılaýdaǵy senimdi jeńisimen Reseı Federasııasy Úkimetiniń Tóraǵasy Vladımır Pýtın quttyqtady. Quttyqtaýda bylaı delingen: Qurmetti Nursultan Ábishuly, Daýys berý nátıjesi Sizdiń Qazaqstan halqy aldyndaǵy joǵary bedelińizdi tolyqtaı dálel­dedi. Memlekettiń qurylýynda tamasha jeńister, sezilip otyrǵan ekonomıkalyq ilgerileýshilik jáne Qazaqstan Respýblıkasynyń táýelsiz damý jyldarynda qol jetkizilgen azamattardyń ómir súrý jaǵdaıynyń jaqsarýy Sizdiń atyńyzben tikeleı baılanysty.   Memleket basshysy Nursultan Nazar­baev­ty Nıderland Koroldiginiń Premer-mı­nıs­tri Mark Rıýtte saılaýdaǵy senimdi je­ńi­simen quttyqtady. Quttyqtaýda bylaı delingen: Joǵary mártebeli, Sizdiń Qazaqstan Prezıdenti bolyp qaıta saılanýyńyzǵa oraı ulyq­talýyńyzben quttyq­taýǵa ruqsat etińiz. Men bizdiń elderimiz arasyndaǵy qarym-qatynas syn­dar­­ly jáne ózara tıimdi sıpatta bolatynyna senimdimin. Men Sizge aldaǵy turǵan barlyq mindetter men yǵyttardy sheshýde sáttilik, sondaı-aq kóptegen salalardaǵy Sizdiń elińizdiń ál-aýqatynyń artýyn tileımin. Men 2010 jyldyń jeltoqsan aıynda Astanadaǵy EQYU Sammıtinde negizi qalanǵan Qazaqstan men Nıderland arasyndaǵy qarym-qatynas tereńdeı túsedi dep senemin.   Memleket basshysy Nursultan Nazar­baev­ty Iordanııa Hashımıt Koroldiginiń Koroli Abdalla II ıbn ál-Hýseın saılaýdaǵy tamasha jeńisimen quttyqtady. Quttyqtaýda bylaı delingen: Joǵary mártebeli, Sizdi shyn júregimnen Qazaqstan Respýb­lı­ka­synyń Prezıdenti bolyp qaıta saıla­nýy­ńyzben quttyqtaýǵa ruhsat etińiz. Biz bolashaqta baýyrlas halyqtarymyz ara­syn­daǵy qarym-qatynasty damytyp, eki eldiń ortaq múddelerin qanaǵattandyrýǵa baǵyt­tal­ǵan ártúrli salalar­daǵy ekijaqty ynty­maq­tas­tyqty nyǵaıtýǵa degen talpynysymyzdy qýattaımyz.   Memleket basshysy Nursultan Nazar­baev­ty saılaýdaǵy tamasha jeńisimen Túrki­men­stan Prezıdenti Gýrbangýly Berdimuhamedov quttyqtady. Quttyqtaýda bylaı delingen: Qurmetti Nursultan Ábishuly! Sizdiń Qazaqstan Respýblıkasynyń Prezıdenti bolyp qaıta saılanýyńyzǵa oraı shyn jú­rekten joldaǵan quttyqtaýymdy qabyl alyńyz. Elderimiz ben halyqtarymyz arasyndaǵy dástúrge aınalǵan dostyq qarym-qatynas, sony­men qatar, Túrkimenstan men Qazaqtan Res­pýb­lıkasy arasyndaǵy ózara tıimdi yntymaqtastyq bolashaqta da udaıy damyp jáne baýyrlas halyqtarymyzdyń ıgiligi úshin nyǵaıa túsedi dep senemin.   Memleket basshysy Nursultan Nazar­baev­ty Fınlıandııa Respýblıkasynyń Prezıdenti Tarıa Halonen prezıdenttik saılaýdaǵy se­nim­di jeńisimen quttyqtady. Quttyqtaýda bylaı delingen: Qurmetti Prezıdent myrza! Fınlıandııa men Qazaqstan arasynda jaqsy qarym-qatynas qalyptasqan. Biz bolashaqta da yntymaqtastyǵymyzdy nyǵaıta túsemiz dep úmittenemin. Sondaı-aq Sizge Astanada ótken EQYU Sammıtinde qabyldanǵan deklarasııa rýhynda alǵa qoıǵan maqsattaryńyzǵa jetýińizge tilektespin. Qazaqstan Respýblıkasynyń Prezıdenti qyzmetinde Sizge úlken jetistikter tileımin.   Memleket basshysy Nursultan Nazarbaev­ty prezıdenttik saılaýdaǵy tamasha jeńisimen Avstrııa Respýblıkasynyń Federaldy Prezıdenti Haıns Fısher quttyqtady. Quttyqtaýda bylaı delingen: Qurmetti Prezıdent myrza, Men Sizge Qazaqstan Respýblıkasynyń Prezıdenti bolyp qaıta saılanýyńyzǵa oraı shyn júrekten quttyqtaý joldaýǵa qýanyshtymyn. Men Sizge reformalaý jáne qaıta jańǵyrtý jobalarynyń eń jaqsy jolmen júzege asyry­lýyn tileımin. Men sondaı-aq Sizge Qazaqstannan tys aýmaqta da turaqtylyq pen qaýipsizdikti nyǵaıtýǵa qosqan úlesińiz úshin alǵysymdy bildirgim keledi.