Ekinshi márte senim kórsetildi

Keshe Memleket basshysy Nursultan Nazarbaev Qazaq­stan Respýblıkasy Parlamenti Májilisiniń jalpy oty­ry­synda sóz sóılep, Parlament Májilisiniń qaraýyna Qa­zaqstan Respýblıkasy Premer-Mınıstriniń laýazy­my­na kandıdatýrany usyndy. – Qazaqstandyqtar ótken saılaýǵa, osy jyldar ishinde sizdermen birge atqarǵan bar­lyq jumystarymyzǵa joǵary baǵa berdi. Saılaýdaǵy jeńiske dál saılaý kúni qol jetkizilmeıdi. Oǵan saılaýdan álde­qaı­da buryn, barlyq ister men qorytyndylar arqyly jáne bizdiń halyqqa degen kóz­qa­ra­sy­myz arqyly qol jetkiziledi. Naq osy arqyly, – dedi Prezıdent, – saılaýdyń nátıjeleri halqymyzdyń uıymshyl­dy­ǵyn, kópultty Qazaqstannyń birligin jáne biz ustanǵan, men basshylyq etip kele jatqan baǵytty qoldaıtynyn taǵy da kórsetip berdi. Endi biz meniń Joldaýymda jarııalanǵan, «Nur Otan» partııasynyń sezinde sóılegen sózimde belgilengen mindetter tóńireginde toptasýymyz kerek. Bul ın­dýs­trııalyq-ınnovasııalyq baǵ­darlama, óte qıyn ári aýyr mindet. Men ony táýelsizdikti nyǵaıtý sııaqty asa qıyn mindet retinde atadym, óıtkeni, bolashaq úshin, qazaqstan­dyq­tar­dyń keleshek urpaǵy úshin buǵan kóp nárse baılanysty. Men halqymyz óte jaqsy qa­byldaǵan áleýmettik jańǵyrtý týraly baıandadym. Biz ózge kóp memleketter jasamaıtyn nemese jasaı almaıtyndy ja­saýdamyz. Alda biz osy mindetterdi oryndaıtyn bolamyz. Biz bul keshendi baǵdarlamany bar­lyq baǵyttar boıynsha júzege asyrýymyz kerek. In­dýs­trııalyq ta, áleýmettik te baǵytta, aýyl sharýashylyǵy, bilim, ǵylym salalarynda da. Sondyqtan, bizdiń Konstı­tý­sııa­myzǵa sáıkes men Úki­me­ti­mizdiń basshysyn taǵaıyndaýǵa kelisim alý úshin keldim. Men Úkimettiń otstavkasy týraly qujatty aldym. Konstıtýsııa osylaı deıdi. Prezıdentti saı­laǵannan keıin Úkimet ákim­der sııaqty óz ókilettigin toqtatady. Parlament saı­laý­ynda jeńiske jetken partııa fraksııasy kandıdatýrany usy­nady, Májilis buǵan kelisimin beredi. Elbasy kelesi kezekte bul múlde jańa demokratııalyq nor­ma ekenin atap kórsetti. Konstıtýsııa bizden osyny talap etetindikten, biz ony múl­tik­siz oryndaýǵa tıispiz. Biz ındýstrııalyq baǵdarlama­myz­dy jáne men belgilep bergen barlyq baǵdarlamalardy jú­ze­ge asyrýdyń osyndaı ótpeli kezeńinde turǵanymyzdy eskersek, qazirgi Úkimet óte ju­my­la jumys jasady jáne búkil álemde oryn alǵan daǵdarysty eńserý baǵytynda bizdiń bári­mizdiń kómegimizben, shuǵyl jaǵ­daıda zańdar qabyldaǵan Parlament depýtattarynyń kómegimen kóp is tyndyrdy. Biz daǵdarysty jeńdik. Bul – fakt. Álemde eshkim áli de munyń jaqyn arada qaıtalanbaıtynyna kepildik bere almaıdy. Týrasyn aıtqanda, bul oraıda qýantarlyqtaı al­ǵy­sharttar joq, dep jalǵady sózin Memleket basshysy. Úkimet, Konstıtýsııanyń 1-ba­bynyń 70-tarmaǵyna sáıkes, óki­let­tigin toqtatty. Men otstav­ka­ny qabyldap aldym jáne olarǵa bul jumysty Úkimettiń tolyq quramy jasaqtalǵansha jalǵas­ty­rýdy tapsyrdym. Konstıtý­sııa­nyń 44-babyna sáıkes, Prezıdent kelisim alý úshin Parlament Májilisiniń qa­raýyna Premer-Mınıstrdiń kan­dıdatýrasyn usy­nady. Onyń aldynda Máji­listegi saıası par­tııa­lardyń frak­sııalarymen ke­ńes ótkizedi. Palata basshyly­ǵymen jáne bıýro múshelerimen, sonymen qatar, bizdiń partııalyq fraksııamen mundaı keńesti men jańa ǵana ótkizdim. Endi osydan keıin, dep sabaq­tady sózin Prezıdent, sizderdiń, Parlamenttiń qaraýyna kelisim berý úshin Qazaqstan Respýblı­kasy Premer-Mınıstri laýazy­my­na Kárim Qajymqanuly Mási­movtiń kandıdatýrasyn taǵaıyn­daý jóninde usynys engizip otyr­myn. Aldynda aıtqanymdaı, ol bul qyzmette óziniń mindetterin kásipqoılyqpen atqara alatyn, óz áriptesteriniń qoıan-qoltyq jumysyn sheber uıymdastyra alatyn adam retinde kórsetti. Bul kandıdatýra búgingi kún úshin jáne bizdiń Úkimettiń tıimdi jumysy úshin meılinshe laı­yq­ty dep sanaımyn. Oǵan Úki­met­tiń naq osy quramy jasaǵan baǵdarlamalardy oryndaýdy tap­syrýymyz úshin de bul kandıdatýra laıyq. Sondyqtan, elimiz Konstıtýsııasynyń 56-babyna sáı­kes, Májilisten Qazaqstan Res­pýb­lıkasy Premer-Mınıstri laýazymyna Kárim Qa­jym­qanuly Másimovtiń kandıdatýra­syn ta­ǵaıyndaýǵa kelisim berýdi suraımyn, dedi Prezıdent. Talqylaýdan soń Parlament Májilisi depýtattarynyń daýys berý rásimi ótti. Qatysyp otyr­ǵan 104 depýtattyń 104-i Qazaq­stannyń Premer-Mınıstri laý­a­­zy­myna K.Q. Másimovti ta­ǵaı­yn­daýǵa kelisýdi qoldap daýys berdi. – Men Memleket basshy­synyń, Prezıdenttiń eńbegi qan­daı ekenin bilemin. Bul – aýyr jumys. Men osy jyldar ishinde Qazaqstannyń barlyq túpkir-túpkirin araladym. Men bolmaǵan aýdandar men aýyl­dar joq shyǵar. Men sharýa­nyń, jumysshynyń, jas adam­nyń, stýdenttiń, ǵalymnyń jan-dúnıesin túsinýge tyry­sa­myn. Osy rette, eń bastysy, árıne, zeınetaqy máselesi, eń­bekaqy men áleýmettik tólem­der, sondaı-aq turaqtylyq, tynyshtyq, bizdiń adamdary­myzdyń erteńgi kúnge degen senimi. Álemde ne bolyp jat­qanyn kórip otyryp, men bizdiń qazaqstandyqtardyń ana­ǵur­lym toptasa túskenin baıqaı­myn. Qazaqstandyqtar barly­ǵy­nyń aldynda, bir-biriniń al­dynda ózderiniń danalyǵyn, ózderiniń zor jaýapkershilik sezimderin kórsetti. Mine, eń bastysy osy. Eger osyndaı aýyzbirlik árdaıym bolatyn bolsa, bizde basqanyń bári bar. Bizde mindetterdi júzege asyrý úshin qarjy bar, bizde jumys isteı alatyn, basqara alatyn adamdar bar. Bizde halyqty bolashaqqa bastaı biletin jańa bıznes, menedjerler bar. Eń bastysy – turaqtylyqty saq­taý, sonda ǵana ıgilikke qol jetkizemiz, – dep atap ótti Nursultan Nazarbaev. Qazaqstan Respýblıkasy­nyń Premer-Mınıstri K. Má­si­mov Memleket basshysy Nur­sultan Nazarbaevqa zor senim bildirgeni úshin alǵysyn aıtty. – Bul – men úshin Sizdiń komandańyzda bolýdyń taǵy bir múmkindigi. Sizge rahmet, men Sizdiń senimińizden shy­ǵamyn. 2007 jyldyń qańtar aıynda Siz meni alǵash ret Premer-Mınıstr etip ta­ǵaıyn­dadyńyz. Sol kezde men Parlament depýtattarynyń al­dynda minberde turyp, qan­daı qyzmette bolsam da men Sizdiń árdaıym senimdi kómek­shińiz bolamyn dep aıtqan edim. Nursultan Ábishuly, men búgin taǵy da qaıtalaımyn, men burynǵysynsha Sizge kó­mekshimin jáne shákirtpin. Men Qazaqstandy damytý jolyn­daǵy úlken isterge qatysýǵa Sizdiń senim bildirgenińiz úshin erekshe qýanyshtymyn, – dedi K. Másimov. Memleket basshysy Nur­sul­tan Nazarbaev jańa Úkimet múshelerin taǵaıyndaý máse­lesi kelesi aptada sheshimin tabatynyn atap ótti. Prezıdent depýtattar men barsha qazaqstandyqtarǵa prezıdenttik saılaýda qoldaý kórset­kenderi úshin taǵy da alǵysyn bildirdi jáne bul ortaq jeńis qazaqstandyqtardy toptasty­ryp, bolashaqqa degen úmitin oıatatynyn atap ótti. Asqar TURAPBAIULY.