Qazaqstan Respýblıkasy Úkimetiniń qaýlysy № 118

2011 jylǵy 10 aqpan, Astana, Úkimet úıi Jer qoınaýyn paıdalanýǵa arnalǵan kelisimsharttar jobalarynyń saraptamasyn júzege asyrý qaǵıdasyn bekitý týraly «Jer qoınaýy jáne jer qoınaýyn paıdalaný týraly» Qazaqstan Respýblıkasynyń 2010 jylǵy 24 maýsymdaǵy Zańynyń 16-babynyń 35) tarmaqshasyna sáıkes Qazaqstan Respýblıka­synyń Úkimeti qaýly etedi: 1. Qosa berilip otyrǵan Jer qoınaýyn paıdalanýǵa arnalǵan kelisimsharttar jobalary­nyń saraptamasyn júzege asyrý qaǵıdasy bekitilsin. 2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri    K. MÁSIMOV. Qazaqstan Respýblıkasy Úkimetiniń  2011 jylǵy 10 aqpandaǵy  № 118 qaýlysymen bekitilgen Jer qoınaýyn paıdalanýǵa arnalǵan kelisimsharttar jobalarynyń  saraptamasyn júzege asyrý qaǵıdasy 1. Jalpy erejeler 1. Osy Qaǵıda «Jer qoınaýy jáne jer qoınaýyn paıdalaný týraly» Qazaqstan Res­pýblıkasynyń 2010 jylǵy 24 maýsymdaǵy Zańynyń (budan ári – Zań) 16-babynyń 35) tarmaqshasyna sáıkes ázirlendi jáne jer qoı­naýyn paıdala­nýǵa arnalǵan kelisimshart jobasyna ekonomıkalyq, eko­logııa­lyq jáne quqyq­tyq saraptama júrgizýdiń tártibin belgileıdi. 2. Osy Qaǵıdada mynadaı termınder men anyqtamalar qoldanylady: 1) jer qoınaýyn paıdalanýǵa arnalǵan kelisimshart jobasy – jer qoınaýyn paıdalaný jónindegi opera­sııalardyń jekelegen túrlerin júzege asyrýǵa quzyretti organ nemese jer qoınaýyn zertteý men paıdalaný jónindegi ýákiletti organ nemese oblystyń, respýblı­kalyq mańyzy bar qalanyń, astananyń jergilikti atqarýshy organy men jeke jáne (nemese) zańdy tulǵa arasyndaǵy sharttyń jobasy; 2) quzyretti organ – eger Qazaqstan Respýblıkasynyń zańdarynda jáne Qazaqstan Respýblıkasy Prezıdentiniń aktilerinde ózgeshe belgilenbese, keń taralǵan paıdaly qazba­lardy barlaýǵa, óndirýge arnalǵan kelisimsharttardy qospa­ǵanda, barlaýǵa, óndirýge, birlesken barlaý men óndirýge arnalǵan kelisimsharttardy jasa­sýǵa jáne oryndaýǵa baı­lanysty quqyqtardy Qazaqstan Respýblıkasynyń atynan júzege asyratyn, Qazaqstan Respýblıkasynyń Úkimeti aıqyndaıtyn ortalyq atqarýshy organ; 3) quqyqtyq saraptama – kelisimshart joba­synyń qurylymy men mazmunynyń Qazaq­stan Respýblıkasynyń Úkimeti bekitken modeldik kelisimshartqa jáne Qazaqstan Respýblıkasynyń zańnamasyna sáıkestigin tekserý maqsatynda júzege asyrylatyn taldaý jáne baǵalaý; 4) ekonomıkalyq saraptama – kelisimshart talaptarynyń konkýrsta jeńiske jetýge negiz bolǵan konkýrstyq usynysqa nemese tikeleı kelissózder talaptaryna sáıkestiligin tekserý maqsatynda júzege asyrylatyn taldaý jáne baǵalaý, jer qoınaýyn paıdalanýǵa jasalatyn kelisim­sharttyń ekonomı­kalyq tıimdiligi men oryndylyǵyn, jer qoınaýyn paıdala­nýshynyń ken oryndaryn ıgerý kezinde bekitilgen jobalaý qujattaryna josparlanatyn salymdar men shyǵyndardyń negizdiligin, jobany júzege asyrý­dyń áleýmettik mańyz­dylyǵyn taldaý jáne baǵalaý; 5) ekologııalyq saraptama – kózdelip otyrǵan sharýa­shylyq jáne ózge de qyzmettiń qorshaǵan orta sapasynyń normatıvteri men ekologııalyq talaptaryna sáıkestigin belgileý, sondaı-aq osy qyzmettiń qorshaǵan ortaǵa tıgizýi múmkin qolaısyz áseriniń jáne solarmen baılanysty áleýmettik zardaptardyń aldyn alý maqsatynda ekologııalyq saraptama obektisin iske asyrýǵa jol berilýin aıqyndaý; 6) jumys toby – kelisimsharttar jobalarynyń shart­taryn qaraý jáne jer qoınaýyn paıdalanýshylarmen kelissózder júrgizý boıynsha erejeleri men quramyn memlekettik organdar usynǵan usynystar men kandıdatýlar negizinde quzyretti organ bekitetin jumys toby. Osy Qaǵıdada qoldanylatyn ózge de termınder men anyqta­malar Zańda qoldanylatyn termınder men anyq­tamalarǵa sáıkes keledi. 3. Jer qoınaýyn paıdalanýǵa arnalǵan kelisimshart jobasyna ekonomıkalyq saraptamany ekonomıkalyq damý jáne saýda salasyndaǵy ýáki­letti organ, al keń taralǵan paıdaly qaz­balar boıynsha oblystyń, respýblıkalyq ma­ńyzy bar qalanyń, astananyń jergilikti atqa­rýshy organy­nyń tıisti bólimshesi júrgizedi. Jer qoınaýyn paıdalanýǵa arnalǵan kelisimshart joba­syna ekologııalyq saraptamany qorshaǵan ortany qorǵaý sala­syndaǵy ýákiletti organ, al keń taralǵan paıdaly qazba­lar boıyn­sha qorshaǵan ortany qorǵaý salasyndaǵy ýáki­letti organnyń aýmaqtyq bólimshesi júrgizedi. Jer qoınaýyn paıdalanýǵa arnalǵan kelisimshart jo­basyna quqyqtyq saraptamany memle­ket­tiń qyzmetin qu­qyqtyq qamtamasyz etýdi júzege asyratyn ýákiletti organ, al keń taralǵan paıdaly qazbalar boıynsha memleket­tiń qyzme­tin quqyqtyq qamtamasyz etýdi júzege asyratyn ýákiletti organnyń aýmaqtyq organy júrgizedi. 4. Ekonomıkalyq, ekologııalyq, quqyqtyq saraptamalar kelisimshart jobasy erejeleriniń Qazaqstan Respýblıkasy zańnamasynyń talap­taryna sáıkestigi turǵysynan júrgizi­ledi. Ekono­mıkalyq jáne ekologııalyq saraptamalar jer qoınaýyn paıdalanýǵa arnalǵan kelisim­sharttyń qoldanysy úderisinde tıisinshe eldiń ulttyq, ekonomıkalyq jáne ekologııalyq qaýip­sizdigin qamtamasyz etý perspektıvalaryna qatys­ty qorytyndylardy qamtýǵa tıis. 5. Jer qoınaýyn paıdalanýǵa arnalǵan kelisimshart­tardyń jobalaryna ekonomıkalyq, quqyqtyq saraptamalar qujattardyń tolyq paketi túsken kúnnen bastap kúntizbelik otyz kún ishinde júzege asyrylady. Jer qoınaýyn paıda­lanýǵa arnalǵan kelisimsharttar jobalaryna ekologııalyq saraptama júrgizý merzimi qujat­tardyń tolyq paketi túsken kúnnen bastap úsh aıdan aspaýǵa tıis. 6. Saraptama nátıjeleri saraptamalyq qorytyndymen resimdeledi, ol teris nemese oń bolýy múmkin. Jer qoınaýyn paıdalanýǵa arnalǵan kelisim­shartty jasasýǵa úmitker tulǵa memlekettik organnyń saraptamalyq qorytyndyda jazǵan eskertýlerin joıý maqsatynda kelisimshart jobasyn pysyqtaıdy. Kórsetilgen eskertýler joıylǵan jaǵdaıda memlekettik organ qaıta saraptama júrgizedi. Memlekettik qaıtalama saraptama jobalaý jáne ózge de qujattamaǵa memlekettik saraptamanyń oń qorytyndysy alynǵannan keıin ózgerister engizilgen jaǵdaılarda da júrgiziledi. 7. Quqyqtyq jáne (nemese) ekonomıkalyq saraptamanyń eskertýlerimen kelispegen jaǵ­daıda jer qoınaýyn paıdala­nýǵa arnalǵan kelisimshartty jasasýǵa úmitker tulǵa óziniń dáleldi qarsylyqtaryn Zańnyń 62-babyna sáıkes quzyretti organǵa nemese oblystyń, res­pýblıkalyq mańyzy bar qalanyń, astananyń jergilikti atqarýshy organyna olardy kelisim komıssııasynda qaraý úshin jiberýge quqyly. 8. Quzyretti organ nemese oblystyń, respýblıkalyq mańyzy bar qalanyń, astananyń jergilikti atqarýshy organy usynylǵan qarsy­lyqtardy qaraý úshin qarsylyqtar túsken sátten bastap on jumys kúni ishinde kelisim komıs­sııasyn qurady. Kelisim komıssııasynyń qura­myna quzyretti organ­nyń nemese oblystyń, respýblıkalyq mańyzy bar qalanyń, astananyń jergilikti atqarýshy organynyń, eskertýlerdi usynǵan memlekettik organnyń jáne kelisimshart jasaýǵa úmitker tulǵanyń ókilderi kiredi. Kelisim komıssııasy oty­rys nátıjeleri boıynsha hattamada kórsetiletin usynym­dardy ázirleıdi. Kelisim komıssııasynyń usynymdaryn eskere otyryp, kelisimshartty qaıta sarap­tamaǵa jiberedi. 2. Kelisimsharttar jobalaryna ekonomıkalyq saraptama júrgizý tártibi 9. Paıdaly qazbalardyń bekitilmegen qory bar ken oryndary boıynsha barlaý, sondaı-aq birlesken barlaý jáne óndirý boıynsha jumys­tar júrgizýge kelisimshart jobasyna ekonomı­kalyq saraptama júrgizý úshin quzyretti organ ekonomıkalyq damý jáne saýda salasyndaǵy ýákiletti or­ganǵa, oblystyń, respýblıkalyq mańyzy bar qalanyń, asta­nanyń jergilikti atqarýshy organy oblystyń, respýb­lıkalyq mańyzy bar qalanyń, astananyń jergilikti atqa­rýshy organynyń tıisti bólimshesine mynalardy qamtıtyn qujattar paketin usynady: 1) tulǵany konkýrs jeńimpazy dep taný týraly nemese tulǵanyń jer qoınaýyn paıdalaný quqyǵyn alýǵa tikeleı kelissózder júrgizýge quqyly ekenin kórsetetin quzyretti organnyń nemese oblystyń, respýblıkalyq mańyzy bar qalanyń, astananyń jergilikti atqarýshy or­gany­nyń ilespe haty; 2) quzyretti organnyń nemese oblystyń, respýblıkalyq mańyzy bar qalanyń, astananyń jergilikti atqarýshy organynyń osy tulǵamen kelissózder júrgizý jáne operasııalar júrgizýge kelisimshart jobasynyń talaptaryn talqylaý jónindegi jumys toby otyrysynyń hattamasy; 3) kelisimshart jobasy; 4) tulǵanyń konkýrsta jeńip shyǵýyna negiz bolǵan konkýrstyq usynystyń quzyretti organ nemese oblystyń, respýblıkalyq mańyzy bar qalanyń, astananyń jergilikti atqarýshy organy kýálandyrǵan kóshirmesi nemese tikeleı kelis­sózder hattamasynyń kóshirmesi; 5) geologııalyq jáne/nemese taý-kendik bólý; 6) geologııalyq aqparatty satyp alý kezinde qupııalylyq týraly kelisimniń tarıhı shyǵyn­dar somasynyń esebi qosa berilgen kóshirmesi; 7) jumys baǵdarlamasynyń jobasy. 10. Paıdaly qazbalardyń bekitilgen qory bar ken oryndary boıynsha birlesken barlaýǵa jáne óndirýge, son­daı-aq óndirýge kelisimshart joba­syna ekonomıkalyq saraptama júrgizý úshin Qaǵı­danyń 9-tarmaǵynda atalǵan qujattardan basqa: 1) taý-kendik bólý; 2) Paıdaly qazbalar qory jónindegi memlekettik komıssııanyń saraptamalyq qorytyndysy beriledi. 11. Jer qoınaýy ýchaskeleri, sondaı-aq paı­daly qazba­lardyń bekitilmegen qory bar ken oryndary boıynsha barlaý jónindegi jumystar júrgizýge, sondaı-aq birlesken barlaýǵa jáne óndirýge arnalǵan kelisimsharttar jobalaryna ekonomıkalyq saraptama: 1) kelisimshart jobasy erejeleriniń Qazaqstan Respýblıkasynyń ekonomıka jáne qarjy salasyndaǵy zańnama talaptaryna sáı­kestigin tekserýdi; 2) kelisimshart talaptarynyń jumys baǵdarlamasynyń jobasyna, konkýrsta jeńiske jetýge negiz bolǵan konkýrstyq usynysqa nemese tikeleı kelissózderdiń sharttaryna jáne jer qoınaýyn paıdalanýǵa arnalǵan kelisimsharttar joba­larynyń sharttaryn talqylaý boıynsha jumys toby otyry­synyń qorytyndysyna sáıkestigin baǵalaýdy; 3) bekitilgen jobalaý qujattaryna kelisimshart joba­synda boljanatyn jumys kólemi men tıisti shyǵyndardyń ekonomıkalyq dáıektiligin baǵalaýdy; 4) jobany iske asyrýdyń áleýmettik mańyzdylyǵyn baǵalaýdy qamtıdy. 12. Paıdaly qazbalardyń bekitilgen qory bar ken oryn­dary boıynsha óndirý jáne birlesken barlaý men óndirýge arnalǵan, óndirý satysyna kóshýdi kózdeıtin kelisimshart jobalarynyń ekonomıkalyq saraptamasy 11-tarmaqta kózdel­gen talaptardan basqa mynalardy qamtıdy: 1) jobany ekonomıkalyq baǵalaý (qoldany­latyn tehno­logııany eskere otyryp, josparla­natyn tabystar men shyǵyndarda jobany iske asyrýdyń ekonomıkalyq maqsatqa saı bolýy jáne jobany iske asyrýdyń áleýmettik mańyzy); 2) jobanyń qarjylyq kórsetkishterin (aqsha qarajaty aǵynyn, aǵymdaǵy taza qunyn, paıda­nyń ishki normasyn, ótelý merzimin) baǵalaý; 3) jobanyń bıýdjettik tıimdiligin baǵalaý. 13. Jer qoınaýyn paıdalanýǵa arnalǵan kelisim­shart­tardyń jobalaryna ekonomıkalyq saraptama júrgizý bary­synda ekonomıkalyq damý jáne saýda salasyndaǵy ýákiletti organ nemese oblystyń, respýblıkalyq mańyzy bar qa­lanyń, astananyń jergilikti atqarýshy organy­nyń tıisti bólim­shesi quzyretti organnan nemese oblystyń, respýb­lıkalyq mańyzy bar qalanyń, astananyń jergilikti atqa­rýshy organynan qajet bolǵanda kelisimshart jobasyn iske asyrý máseleleri boıynsha saraptamany sapaly júrgi­zýge qajetti qosymsha derekter suraıdy. 14. Ekonomıkalyq saraptama júrgizý nátı­jeleri qory­tyndy túrinde resimdeledi. 15. Kelisimshart jobasynyń qorytyndysy mynalardy qamtýǵa tıis: 1) joba parametrleriniń qysqasha sıpat­tamasy (jer qoınaýyn paıdalanýshy, kelisim­sharttyq aýmaq, jer qoı­naýyn paıdalaný jónin­degi júrgiziletin operasııalardyń túr­leri, kelisimshart jasasý úshin negizdemeler, kúrdeli shy­ǵyndardyń josparlanǵan kólemi, boljana­tyn jobalyq qýat týraly málimetter); 2) usynylǵan qujattar tizbesi; 3) osy Qaǵıdaǵa sáıkes kelisimshart erejelerine júr­gizilgen taldaý men baǵalaýdyń qysqasha nátıjeleri; 4) tujyrymdar, eskertýler men usynymdar. 16. Saraptamalyq qorytyndy mynadaı tujy­rymdardyń birin qamtýǵa tıis: 1) qaraý nátıjesinde joba boıynsha bol­janatyn shy­ǵyndar kóleminiń negizdiligi, onyń parametrleriniń kon­kýrstyq usynysqa (tikeleı kelissózder hattamasyna) jáne Qazaqstan Res­pýblıkasynyń zańnamasy talaptaryna sáı­kes­tigi rastalǵandyqtan, oń baǵalanǵan jer qoı­naýyn paıda­lanýǵa kelisimshart jobasyn kelisý; 2) qaraý nátıjesi boıynsha teris qorytyn­dynyń berilýi sebepti jer qoınaýyn paıda­lanýǵa arnalǵan kelisimshart jo­basyn kelisýden bas tartý. Saraptamada boljanatyn shyǵyn­dardyń aıtarlyqtaı aýytqýlary (kóterilýi nemese tómen­deýi), tehnı­kalyq parametrlerdiń buzylýy, jobalaý qujat­taryna jáne Qazaqstan Respýblıkasy zańnamasynyń talap­taryna qaǵı­datty túrde sáıkes kelmeý jáne oryn alǵan jaǵ­daıda kelisimshart jasasý orynsyz bolatyn basqa da kemshilikter anyqtaldy. 17. Jer qoınaýyn paıdalanýǵa arnalǵan kelisimshartqa júrgizilgen ekonomıkalyq saraptama nátıjesi boıynsha qorytyndyǵa ýákiletti adam qol qoıady jáne ol quzyretti organnyń nemese oblystyń, respýblıkalyq mańyzy bar qalanyń, astananyń jergilikti atqarýshy organnyń meken­jaıyna jiberiledi. 18. Jer qoınaýyn paıdalanýǵa arnalǵan kelisimsharttyń pysyqtalǵan jobasy ekonomı­kalyq saraptamaǵa qaıta usy­nylǵan jaǵdaıda, osy Qaǵıdaǵa sáıkes talap etiletin qujat­tar paketi engizilmeıdi. 19. Bastapqy qorytyndyda kórsetilgen eskertýler joıyl­ǵannan keıin jer qoınaýyn paıdalanýǵa kelisimshart jobasyna qaıta saraptama osy Qaǵıdanyń 5-tarmaǵynda belgilengen merzimde júrgiziledi. 20. Paıdaly qazbalardyń bekitilgen qory bar ken oryndary boıynsha barlaý jónindegi jumystardy júrgizýge, sondaı-aq birlesken barlaýǵa jáne óndirýge kelisimshart jobasyna jumys baǵdarlamasynyń jobasy kelisimshart­tyń búkil qoldanylý kezeńine jyldar boıynsha negizdelgen jáne eseptelgen mynadaı kórsetkish­terdi qamtýy tıis. 1) geologııalyq-barlaý jumystarynyń kó­lemi; 2) oryndalatyn geologııalyq-barlaý jumys­tarynyń túrleri boıynsha shyǵyndar; 3) jer qoınaýyn paıdalaný jónindegi operasııalardy júrgizýdiń tehnıkalyq jáne tehnologııalyq jaǵdaılaryn, jabdyqtyń jalpy sıpattamasyn, qosymsha jáne áleýmettik ınfra­qurylymdy damytýdy negizge ala otyryp, amortı­zasııalyq aýdarymdar somasy kórsetilgen kúrdeli shyǵyndar; 4) tartylǵan personaldyń sany eskerilgen eńbekaqy tóleý qory; 5) taratý qoryn qalyptastyrý boıynsha shyǵys­tar; 6) qazaqstandyq personaldy oqytýǵa arnal­ǵan shyǵys­tar; 7) qyzmet óńiriniń áleýmettik ınfra­qury­lymyn da­mytýǵa qatysý boıynsha shyǵystar; 8) ǵylymı-zertteýler men tájirıbelik-konstrýktorlyq jumystarǵa arnalǵan shyǵystar; 9) janama shyǵystar; 10) ózge de shyǵystar; 11) jer qoınaýyn paıdalaýǵa arnalǵan kelisimshart boıynsha salyq jáne bıýdjetke tóle-nýge jatatyn ózge de mindetti tólemder. 21. Paıdaly qazbalardyń bekitilgen qory bar ken oryndary boıynsha óndirýge, sondaı-aq birlesken barlaýǵa jáne óndirýge kelisimsharttyń jobasyna jumys baǵdar­la­masynyń jobasy kelisimsharttyń búkil qoldanylý kezeńine jyl­dar boıynsha negizdelgen jáne eseptelgen mynadaı kórsetkishterdi qamtýy tıis. 1) óndiriletin paıdaly qazbalardyń túrleri boıynsha oryndalatyn jumystar men shyǵyn­dardyń kólemi; 2) ınflıasııany eskere otyryp, qoldanystaǵy baǵamen ishki jáne syrtqy naryqtarǵa bólýdi kórsete otyryp, paıdaly qazbalardyń túrleri boıynsha óndirý jáne ótkizý kólemi; 3) joba boıynsha jáne ónim túrleri boıynsha jalpy jıyntyq tabys; 4) jer qoınaýyn paıdalaný jónindegi opera­sııalardy júrgizýdiń tehnıkalyq jáne tehnolo­gııalyq jaǵdaılaryn, jabdyqtyń jalpy sıpat­tamasyn, qosymsha jáne áleýmettik ınfraqu­rylymdy damytýdy negizge ala otyryp, amortı­zasııalyq aýdarymdar somasy kórsetilgen kúrdeli shyǵyndar; 5) negizgi baptardyń maǵynasyn asha otyryp, óndirý men shıkizatty bastapqy qaıta óńdeý kezeńderi boıynsha paıdalaný shyǵyndary; 6) tartylǵan personaldyń sany eskerilgen eńbekaqy tóleý qory; 7) taratý qoryn qalyptastyrý boıynsha shyǵystar; 8) qazaqstandyq personaldy oqytýǵa arnal­ǵan shy­ǵystar; 9) qyzmet óńiriniń áleýmettik ınfraqu­rylymyn damytýǵa qatysý boıynsha shyǵystar; 10) ǵylymı-zertteýler men tájirıbelik-qonstrýktorlyq jumystarǵa arnalǵan shyǵystar; 11) janama shyǵystar; 12) ózge de shyǵystar; 13) jer qoınaýyn paıdalanýǵa arnalǵan kelisimshart boıynsha qyzmetti júzege asyrý sheń­berindegi salyq jáne bıýdjetke tólenýge jata­tyn basqa da mindetti tólemder; 14) salyq tólengennen keıin jer qoınaýyn paıda­lanýshynyń ıeliginde qalatyn boljamdy taza tabys; 15) ınflıasııa ındeksine túzetilgen jospar­lanǵan jyldyq aqsha aǵyny; 16) dıskonttaý stavkalary 10, 15 jáne 20 paıyzǵa teń bolǵan kezdegi jobanyń aǵymdaǵy keltirilgen taza qunynyń ólshemderi; 17) joba boıynsha jalpy jáne jyldar boıynsha joba rentabeldiliginiń ishki norma­synyń kórsetkishi. Ekonomıkalyq saraptama júrgizý úshin usynylǵan jumys baǵdarlamasynyń jobasyn mindetti túrde quzyretti organ nemese oblys­tyń, respýblıkalyq mańyzy bar qala­nyń, asta­nanyń jergilikti atqarýshy organy rastaýǵa tıis. 3. Kelisimshart jobalaryna quqyqtyq saraptama júrgizý tártibi 22. Paıdaly qazbalardy barlaý, óndirý, sondaı-aq birlesken barlaý jáne óndirý boıynsha jumystar júrgizýge kelisimsharttar jobalaryna quqyqtyq saraptama júrgizý úshin quzyretti organ memlekettiń qyzmetin quqyqtyq qamtamasyz etýdi júzege asyratyn ýákiletti organǵa, ol oblystyń, respýblıkalyq mańyzy bar qalanyń, astananyń jergilikti atqarýshy organy memlekettiń qyzmetin quqyqtyq qam­tamasyz etýdi júzege asyratyn ýákiletti organynyń tıisti ýákiletti organyna mynalardy qamtıtyn qujattar paketin usynady: 1) tulǵany konkýrs jeńimpazy dep taný týraly nemese tulǵanyń jer qoınaýyn paıdalaný quqyǵyn alýǵa tikeleı kelissózder júrgizýge quqyly ekenin kórsetetin quzyretti organnyń nemese oblystyń, respýblıkalyq mańyzy bar qalanyń, astananyń jergilikti atqarýshy orga­nynyń ilespe haty; 2) quzyretti organnyń nemese oblystyń, respýblıkalyq mańyzy bar qalanyń, astananyń jergilikti atqarýshy organynyń osy tulǵamen kelissózder júrgizý jáne operasııalar júrgizýge kelisimshart jobasynyń talaptaryn talqylaý jónindegi jumys toby otyrysynyń hattamasy; 3) kelisimshart jobasy; 4) tulǵanyń konkýrsta jeńip shyǵýyna negiz bolǵan konkýrstyq usynystyń quzyretti organ nemese respýb­lıkalyq mańyzy bar qalanyń nemese astananyń organy kýá­landyrǵan kóshirmesi nemese tikeleı kelissózder hattama­synyń kóshir­mesi; 5) kelisimshart túrine baılanysty geolo­gııalyq nemese taý-kendik bólý; 6) jumys baǵdarlamasynyń jobasy. 23. Paıdaly qazbalardy barlaýǵa, óndirýge, birlesken barlaý men óndirýge arnalǵan kelisimshart jobalaryna quqyqtyq saraptama mynadaı talaptar boıynsha júrgiziledi: 1) Qazaqstan Respýblıkasynyń Konstıtý­sııasyna, Qa­zaqstan Respýblıkasynyń Zańyna jáne Qazaqstan Respýb­lıkasynyń ózge de normatıvtik quqyqtyq aktilerine jáne ratıfıka­sııalanǵan halyqaralyq sharttarǵa sáıkestigi; 2) kelisimshart jobasynyń qurylymy men mazmunynyń Qazaqstan Respýblıkasynyń Úki-meti bekitken jer qoınaýyn paıdalanýǵa modeldik kelisimshartqa, sondaı-aq usynylǵan qujattar paketine sáıkestigi. 24. Jer qoınaýyn paıdalanýǵa kelisimsharttar joba­laryna quqyqtyq saraptama júrgizý nátıjeleri hat túrinde resimdeletin sarapta­malyq qorytyndy bolyp tabylady. Saraptamalyq qorytyndy mynadaı tujy-rym­dardyń birin qamtýǵa tıis: 1) kelisimshart jobasy osy Qaǵıdanyń 23-tarmaǵynda kórsetilgen talaptarǵa sáıkes bolǵandyqtan, jer qoınaýyn paıdalanýǵa kelisimshart jobasyn kelisý; 2) qaraý nátıjeleri boıynsha teris qorytyn­dynyń berilýi sebepti kelisimshart jobasy osy Qaǵıdanyń 23-tarmaǵynda kórsetilgen talap­tarǵa sáıkes kelmegendikten, jer qoınaýyn paıdalanýǵa kelisimshart jobasyn kelisýden bas tartý. 25. Jer qoınaýyn paıdalanýǵa arnalǵan kelisimshart jobasyna quqyqtyq saraptama júrgizý nátıjeleri boıynsha hatqa ýákiletti adam qol qoıady jáne quzyretti organnyń nemese oblys­tyń, respýblıkalyq mańyzy bar qalanyń, astananyń atyna jiberiledi. 26. Jer qoınaýyn paıdalanýǵa arnalǵan kelisimsharttyń pysyqtalǵan jobasy quqyqtyq saraptamaǵa qaıta usynyl­ǵan jaǵdaıda osy Qaǵıdaǵa sáıkes talap etiletin qujattar paketi engizilmeıdi. 27. Bastapqy qorytyndyda kórsetilgen eskertýler joıylǵannan keıin jer qoınaýyn paıdalanýǵa kelisimshart jobasyna qaıta saraptama osy Qaǵıdanyń 5-tarmaǵynda belgilengen merzimde júrgiziledi. 4. Kelisimshart jobalaryna ekologııalyq saraptama júrgizý tártibi 28. Paıdaly qazbalardy barlaý, óndirý, sondaı-aq birlesken barlaý jáne óndirý jónindegi jumystardy júrgizýge arnalǵan kelisimsharttardyń jobalaryna ekologııalyq saraptama júrgizý úshin quzyretti organ qorshaǵan ortany qorǵaý salasyndaǵy ýákiletti organǵa, al oblystyń, respýblıkalyq mańyzy bar qalanyń, astananyń jergilikti atqarýshy organy onyń aýmaqtyq bólimshesine mynalardy qamtıtyn qujattar paketin usynady: 1) tulǵany konkýrs jeńimpazy dep taný týraly nemese tulǵanyń jer qoınaýyn paıdalaný quqyǵyn alýǵa tikeleı kelissózder júrgizýge quqyly ekendigin kórsetetin quzyretti organnyń nemese oblystyń, respýblıkalyq mańyzy bar qalanyń, astananyń jergilikti atqarýshy orga­nynyń ilespe haty; 2) quzyretti organnyń nemese oblystyń, respýblıkalyq mańyzy bar qalanyń, astananyń jergilikti atqarýshy organynyń osy tulǵamen kelissózder júrgizý jáne operasııalar júrgizýge kelisimshart jobasynyń talaptaryn talqylaý jónindegi jumys toby otyrysynyń hattamasy; 3) kelisimshart jobasy; 4) tulǵanyń konkýrsta jeńip shyǵýyna negiz bolǵan konkýrstyq usynystyń quzyretti organ nemese respýblıkalyq mańyzy bar qalanyń, astananyń jergilikti atqarýshy organy kýálan­dyrǵan kóshirmesi nemese tikeleı kelissózder hattamasynyń kóshirmesi; 5) kelisimshart túrine baılanysty geologııa­lyq nemese taý-kendik bólý; 7) jumys baǵdarlamasynyń jobasy. 29. Paıdaly qazbalardy barlaý, óndirý, sondaı-aq birlesken barlaý jáne óndirýge arnal­ǵan kelisimshart jobalaryna ekologııalyq saraptama mynalardy qamtıdy: 1) josparlanatyn basqarý, sharýashylyq, ınves­tısııalyq jáne ózge qyzmetti iske asyrý­dyń qorshaǵan ortaǵa jáne halyqtyń densaý­lyǵyna keltirýi múmkin teris saldaryn anyqtaý jáne shekteý; 2) ekonomıkalyq damý men qorshaǵan ortany qorǵaýdyń múddeler teńgerimin saqtaý, sondaı-aq tabıǵat paıdalaný úderisinde úshinshi tulǵalarǵa zardaptyń aldyn alý; 3) jer qoınaýyn paıdalanýǵa arnalǵan kelisimshart jobasy talaptarynyń Qazaqstan Res­pýb­lıkasynyń ekologııalyq zańnamasyna, jer qoına­ýyn jáne qorshaǵan ortany qorǵaýǵa qatysty, jer qoınaýyn paıdalaný obektilerin taratý jáne konservasııalaý talaptary bóliginde Zańǵa, ekolo­gııalyq saqtandyrýǵa sáıkestigin tekserý. 30. Saraptama júrgizý kezinde qalyptasqan ekologııalyq jaǵdaıdy eskere otyryp, jer qoı­naýyn paıdalaný jónindegi operasııalardy júr­gizý aýdanyna qoıylatyn talaptar eskerilýi tıis. 31. Kelisimshart jobasynyń qarastyrylyp otyrǵan bólimderi boıynsha eskertýler qorsha­ǵan ortaǵa da (áýe basseınin, sý resýrstaryn, jer resýrstaryn, ósimdikter jáne janýarlar dúnıesin, erekshe qorǵalatyn tabıǵı aýmaqtardy qorǵaý), sondaı-aq halyqtyń densaýlyǵyn saq­taý­ǵa da qatysty bolý múmkin. 32. Saraptamalyq qorytyndy mynadaı tujyrymdardyń birin qamtýǵa tıis: 1) Qazaqstan Respýblıkasynyń ekologııalyq zańnamasynyń talaptaryna sáıkes keletin ta­laptardy qamtıtyndyqtan, jer qoınaýyn paı­dalanýǵa arnalǵan kelisimshart jobasyn kelisý; 2) jer qoınaýyn paıdalanýǵa arnalǵan kelisimshart jobasy erejeleriniń Qazaqstan Res­pýblıkasynyń ekologııalyq zańnamasynyń, jer qoınaýyn jáne qorshaǵan ortany qorǵaý bóli­ginde Zańnyń normalaryna sáıkes kelmeýi sebepti jer qoınaýyn paıdalanýǵa arnalǵan kelisimshart jobasyn kelisýden bas tartý. 33. Jer qoınaýyn paıdalanýǵa arnalǵan kelisimshart jobasyna ekologııalyq saraptamanyń qorytyndysyna qorshaǵan ortany qorǵaý sala­syndaǵy ýákiletti organnyń saraptama bólim­shesiniń nemese kelisimshart boıynsha aýmaǵynda kózdelip otyrǵan qyzmet josparlanǵan onyń aýmaqtyq bólimshesiniń basshysy qol qoıady. Ekologııalyq saraptamanyń qorytyndysy quzy­retti organnyń nemese oblystyń, respýblı­kalyq mańyzy bar qalanyń, astananyń jergilikti atqarýshy organnyń mekenjaıyna jiberiledi. 34. Jer qoınaýyn paıdalanýǵa arnalǵan kelisimsharttyń pysyqtalǵan jobasy ekolo­gııalyq saraptamaǵa qaıta usynylǵan jaǵdaıda osy Qaǵıdaǵa sáıkes talap etiletin qujattar paketi engizilmeıdi. 35. Bastapqy qorytyndyda kórsetilgen eskertýler joıylǵannan keıin jer qoınaýyn paıdalanýǵa arnalǵan kelisimshart jobasyna qaıta saraptama osy Qaǵıdanyń 5-tarmaǵynda belgilengen merzimde júrgiziledi