Shymkent munaı óńdeý zaýyty maýsymnan bastap joǵary surypty benzın shyǵarady

Shymkent munaı óńdeý zaýytynda ızomerızasııa qondyrǵysynyń qurylysy aıaqtalýǵa jaqyn, dep habarlady QMG-QM qoǵammen baılanys qyzmeti. «PetroQazakstan Oıl Prodakts» JShS munaıdy qaıta óńdeýdiń jańa tehnologııalyq jelisindegi mańyzdy aýmaqtyń qurylysy - shıkizatty aldyn ala gıdrotazalaý blogy bar ızomerasııa qondyrǵysyn ornatý aıaqtalýǵa jaqyn. Búginde joba 95% júzege asyrylǵan. Atap aıtqanda: 4 500-den astam syzbalar  jetildirildi (100%), qurylys alańyna 149 dana jabdyqtyń 147-si qoıyldy, 142 danasy jóndeýden ótti. 9 344 tekshemetr irgetas betondaldy (92,2%), metall qurastyrylymdaryn montajdaý 100% oryndaldy, qubyr jelilerin montajdaý jumystary aıaqtalyp keledi (99,6%). Sonymen qatar, ızomerasııalaýdy iske qosýǵa arnalǵan jalpyzaýyttyq sharýashylyq nysandardyń qurylysy sońǵy satysynda tur, 84% astamy oryndalǵan», - delingen habarlamada. Nysandy qoldanysqa berý 2017 jyldyń maýsym aıyna josparlanǵan. Izomerasııany qondyrý Keden odaǵynyń Tehnıkalyq tártibine sáıkes K4, K5 klassyndaǵy ekologııalyq benzınderdiń joǵary oktandy komponentterin óndirýge arnalǵan.