«Lester» Klaýdıo Ranerıdi qyzmetinen bosatty

О́tken maýsymnyń qorytyndysy boıynsha Anglııa premer-lıgasynda chempıon atanǵan «Lester» komandasy osy maýsymdaǵy sátsiz oıyny úshin bas bapkeri Klaýdıo Ranerıdi qyzmetinen bosatty. Bul týraly eurosport.ru habarlady. «Lesterdiń» vıse-prezıdenti Aııavatt Shrıvaddhanaprabha mundaı qadam komandanyń APL-de qalýyna septigin tıgizetinin málimdedi. «Klýbqa kelgen jeti jyl ishindegi eń qıyn sheshimim boldy. Klaýdıonyń orny biz úshin erekshe. Onyń minezi, biliktiligi, ózindik ıdeıasy bizge orasan zor paıdasyn tıgizdi. Oǵan degen alǵysymyz sheksiz. Biraq biz alǵa qaraýymyz kerek. Birinshi kezekte «Lesterdiń» bolashaǵyn oılaǵanymyz jón», – dedi Aııavatt Shrıvaddhanaprabha. «Árıne, shyndyqqa kóz juma qaramaýymyz kerek. Ujymnyń byltyrǵy erligi bıyl da qaıtalanady dep kútken joqpyz. Maýsym basynda ádettegindeı premer-lıgadan shet qalmaýdy basty maqsat ettik. Biraq qazirgi jaǵdaıymyz tipten qıyndap ketti. Sondyqtan komandaǵa ózgeris qajet dep sheshtik. Qalǵan 13 oıynda barynsha saq oınap, alǵa qoıǵan josparymyzǵa jetemiz dep úmittenemin», – dedi vıse-prezıdent. Qazirgi ýaqytta «Lester» 25 matchtan keıin 21 upaımen 17-orynda keledi. Al premer-lıgadan shyǵyp qalar orynnan nebári bir-aq upaı alda keledi. Sońǵy 9 oıynda tek bir ǵana jeńiske jetti. О́tken jyly Klaýdıo Ranerıdiń komandasy óz tarıhynda alǵash ret chempıon atandy. Al ıtalıan mamany 2016 jyldyń qorytyndysynda FIFA nusqasy boıynsha úzdik bapker atandy. Aıta keteıik, «Lesterdiń» jańa bapkeri bolyp Roberto Manchını taǵaıyndalýy múmkin.