Armandy aqıqatqa aınaldyrǵan tulǵa

Qazaqstan Respýblıkasy Pre­zıdentiniń kezekten tys saılaýy ótti. Elimiz úshin osyndaı syndarly sáttiń tusynda meniń óz pikirimdi bildirmeı qalýym múmkin emes. Jarty ǵasyrǵa jýyq eńbek ótiliminiń 37 jyly qıyndyǵy men jaýapkershiligi mol memlekettik qyzmetke arnalyp­ty. Al onyń jıyrma jyldaıyn taǵ­dyr maǵan Elbasynyń koman­da­sy sapynda eńbek etýdi buıyr­typty. Men qazir memlekettik qyzmetker emespin. On segiz jyl boıy Jańa­qala aýdany­nyń ákimi bolyp, úzdiksiz eńbek etip, abyroımen zeınetke shyq­qan adammyn. Osy jyldarda Elbasynyń Jarlyǵymen birneshe orden, medaldarmen nagradtaldym. Qa­laı bolǵanda da Elbasyna kómekshi, pikirles bola aldym dep oı­laı­myn. Sondyqtan kó­ńil­diń tórin­de jatqan, jyldar boıy jınaq­talǵan oı oram­daryn buqaraǵa jetkizbeı qala almadym. Ege­mendiktiń tań sha­paǵy sebelegen sonaý 1991 jyly Elbasymyz qandaı edi? Qazir qandaı? Tórtkúl dúnıege Qazaqstandy máshhúr etýimen birge óziniń de esimi qazir ja­hanǵa jarııa. Inshalla, sodan jazbasyn! Buryn el basqarý bolǵan joq. О́ıtkeni, bodandyqta ǵu­myr keshtik. Táýelsiz eldiń táýelsiz Prezıdenti degen úsh uıyqtasaq túsimizge kirgen joq. Taǵdyr osynaý tarıhı mıs­sııany qazaqtyń balasy Nur­sultannyń mańdaıyna jaz­dy. Ol sol mıssııany qaıyspaı kóterip, Qazaqstandy damýdyń dańǵyl jolyna saldy. Nebir qıyn asýlardan aman alyp ótti. О́zińiz salystyryp kórińiz, egemendiktiń eleń-alańynda jan basyna shaqqandaǵy jalpy ónim 700 dollardy qurasa, bú­ginde ol 9 myń AQSh dollarynan asyp tur. TMD elderiniń tań­daıyn taqyldata­tyn jetistik emes dep kim aı­tady? Men jumys babynda Nure­keńmen san márte kezdestim. Arnaıy qabyldaýlarynda bol­dym. Talaı ret aldynda sóı­ledim, tolqyp turyp óz pikirimdi bildirýdiń de sátteri túskenin maqtanyshpen aıta alamyn. Qıyn kezder boldy, jumyssyzdyqtyń qyl buraýy adymdy ashtyrmaı, halyqqa jalaqy, zeınetaqyny bere almaı, sharýashylyqtar tarap, eldiń etegi ebil-debil bolǵan jyl­dar umytylar ma? Sol bir tar joltaıǵaq keshýlerden Nu­rekeń bizdiń Qazaqstannyń san ulttan quralǵan halqyn bóle- jarmaı, aman-esen alyp ótti. Eldiń irgesin bekitip, shekarany shegendedi. Qyryq jyldan astam Qazaqstannyń qasiretine aınal­ǵan atom degen ajdahany qazaq topyraǵynan alastatty. Alas­ta­typ qoıǵan joq, jer betindegi bes derjavany, bes memleketti Qazaqstanǵa tıispeýi jónindegi ta­rıhı mámilege keltirdi. Tól teń­gemizdi aınalysqa engizdi. Eldiń basty qujaty – Konstıtýsııa qa­byl­dady. Tuńǵysh ret qos palataly Parlament qu­ryldy. 1997 jyly 2030 jylǵa deıingi strategııalyq baǵdarlama qa­byldandy. Jasyratyn nesi bar, «2030 degen nemene?» dep kúlgen ishi tarlar da boldy. Olarǵa sol 1997 jyldan bermen qaraı, 14 jylda jetken jetistigimizdi kóretin kóz kerek der edim! Búginde 110 eldiń arasynan elýinshi orynǵa taban tireýimiz jetistik emeı nemene? Ońtústik astanadan qozǵalǵan kórikti kóshimiz búginde álemniń nazaryn aýdarǵan, alys-jaqyn­nan keletin qonaqtardyń kózin sýyrǵan Astanaǵa aınalǵan joq pa? Aspan astyndaǵy shyraıly shahar bolyp, kúnnen-kúnge qana­tyn jaıǵan onyń ár ǵımaraty sáýlet degen ónerdiń quıylyp túsken qaıtalanbas týyndysy emes pe? Al ol degenińiz El­basymyzdyń «Elim!» dep besigin terbetken Qazaqstannyń keleshektegi kelisti kelbetin arman­daǵan qııalynan týǵan qala ǵoı! Kimge bolsa da uıalmaı, keýdeńdi maqtanysh kernep kórsetetin arman qala ǵoı! Qazaq topyraǵy ne kórmedi? Kóp árige barmaı-aq, deportasııamen, repressııamen, tyń ıgerýmen kelgen san túrli ult ókilderi qazaq halqynan san jaǵynan basym túsip, halqymyz tilinen, salt-dástúrinen aıyrylyp qala jazdaǵany da kúni keshe bolǵan joq pa? Taǵdyrdyń aıdaýymen kelgen sol halyqtyń kópshiligi búginde Qazaqstandy óz otany sanap, qazaq jerinde máńgilikke mekendep, ósip-ónip keledi. Biz búginde olardy tilegi men armany bir arnaǵa toǵysqan, qazaq degen ha­lyqtyń qadirin bek baǵalaı­tyn, uıysqan ult ókil­deri dep bilemiz. Kórshi elderde ty­nyshtyq pen beıbitshilik arman bolsa, biz onyń qy­zyǵyn kórip otyrmyz. Sonyń bári saıasatta suńǵyla, ómirde dara da dana Prezıdentimizdiń ar­qasy. Jer sharynyń halqy keshegi kúni Qazaqstanǵa kóz tikti. Áldeneshe jyl bir ústeldiń basynda bastary birikpeı kelgen keıbir elderdiń úmit otyn mazdatqan ol kezdesýge 56 el­diń basshylary men halyq­ara­lyq uıym ókilderi at arytyp, ádeıi keldi. Sammıt dep ata­lyp, tarıhta máńgi qalǵan ol kezdesý de Qazaqstannyń aby­roıyn aspandatty. Qazir elimiz aıdaı álemge óz bolashaǵyn aıqyn­daǵan bedeli bıik memleket. Ondaı bıikterge dara týǵan tul­ǵalar jetkizedi. Al bizdiń tul­ǵamyz elin súıgen, eli súıgen Nursultan Ábishuly Nazarbaev desek, esh qateles­peımiz! Tólegen MERǴALIEV, Batys Qazaqstan oblystyq memlekettik bank mekemeleri jáne qoǵamdyq qyzmet kórsetý qyzmetkerleri kásipodaǵynyń tóraǵasy. Oral.