Yqylasty quttyqtaýlar, izgi tilekter

Qazaqstan Prezıdenti Nursultan Na­zar­­baev­­tyń atyna memleket, úkimet bas­shy­la­ry­nan, halyq­ara­lyq uıym­dar­dyń jetekshi­le­rinen saılaýdaǵy jeńisine baı­la­nysty quttyqtaýlar kelip túsýde. * * * Memleket basshysy Nursultan Nazar­baev­ty saılaýdaǵy tamasha jeńisimen Vengrııa Res­pý­blıkasynyń Prezıdenti Pal Shmıdt qut­tyq­tady. Quttyqtaýda bylaı delingen: Qurmetti Prezıdent myrza, Sizdi Qazaqstan Respýblıkasynyń Prezıdenti qyzmetine qaıta saılanýyńyzben quttyqtaýǵa ruqsat etińiz. Men bolashaqta Qazaqstan aımaqtyq qaýip­sizdik pen turaqtylyqtyń eń basty kepili bolýdy jalǵastyra beredi dep senemin. Sizdiń basshylyǵyńyzben elderimiz arasyndaǵy ekijaqty yn­tymaqtastyq aldaǵy ýaqytta da damı túsedi dep senemin jáne men yntymaqtastyǵymyz jemisti bolýy úshin barlyq kúsh-jigerimdi salýǵa daıynmyn.   Memleket basshysy Nursultan Nazarbaev­ty prezıdenttik saılaýdaǵy tamasha jeńisimen Bolgarııa Respýblıkasynyń Prezıdenti Georgı Pyrvanov quttyqtady. Quttyqtaýda bylaı delingen: Qurmetti Prezıdent myrza, Sizdiń aıyryqsha jeńispen Qazaqstan Respýb­lıkasynyń Prezıdenti bolyp qaıta saılanýy­ńyz­ǵa oraı meniń shyn júrekten joldaǵan qut­tyq­taýymdy qabyl alýyńyzdy ótinemin, Sizge densaýlyq, sáttilik pen Sizdiń jaýapty qyz­metińizde jańa jetistikter tileımin. Álemdegi turaqtylyq pen beıbitshilikti múdde etken eki el hal­qy­nyń ıgiligine Bolgarııa Respýblıkasy men Qazaqstan Respýb­lı­kasy arasyndaǵy yntymaqtastyq tereńdeı túsýi úshin bizdiń aramyzda ornaǵan jaqsy baılanys pen dostyq, sonymen qatar, birlesken qyzmet bolashaqta da mańyzdy bolady degen senimimdi jetkizgim keledi.   Memleket basshysy Nursultan Nazarbaev­ty prezıdenttik saılaýdaǵy tamasha jeńisimen Islam Konferensııasy Uıymynyń Bas hat­shy­sy Ekmeleddın Ihsanoglý quttyqtady. Quttyqtaýda bylaı delingen: Qurmetti Prezıdent myrza! Sizdiń Prezıdent qyzmetine qaıta saı­la­nýy­ńyzǵa baılanysty, Joǵary Mártebeli, Sizge óz elin saıası jáne ekonomıkalyq reformalar joly­men alyp kele jatqan basshy retinde Sizge kórse­tilgen Qazaqstan halqynyń senimine baılanysty ózimniń shynaıy quttyqtaýymdy joldaǵym keledi. Joǵary Mártebeli, Sizdiń danalyǵyńyz ben tájirıbeńiz О́zińizge Qazaqstan halqynyń keleshekte áleýmettik-ekonomıkalyq damý men gúldený, sondaı-aq Qazaqstannyń halyqaralyq arenadaǵy bedeliniń bıik bolýyna degen umtylysyn júzege asyrýǵa múmkindikter beretinine senemin. Qazaqstan Respýblıkasy men Islam Konferensııasy Uıymy arasyndaǵy qarym-qatynastardyń damýy turaqtylyq sıpatymen erekshelenedi. Osy múmkindikti paıdalanyp, Sizge ózara tıimdi yntymaqtastyqtyń odan ári damı beretindigine ózimniń senimimdi, nıetimdi bildirgim keledi.   Memleket basshysy Nursultan Nazarbaev­ty Horvatııa Respýblıkasynyń Prezıdenti Ivo Iosıpovıch saılaýdaǵy tamasha jeńisimen quttyqtady. Quttyqtaýda bylaı delingen: Sizdiń dostas Qazaqstan Respýblıkasynyń Prezıdenti bolyp qaıta saılanýyńyzǵa oraı Sizdi búkil Horvatııa Respýblıkasy azamat­tarynyń atynan jáne óz atymnan shyn júrekten qut­tyqtaǵym keledi. Osy jaýapty qyzmette elińiz ben barlyq el azamattarynyń jaqsy ómir súrýi úshin ortaq ilgerileýshilikke jetýdegi Sizdiń jumysyńyzǵa barynsha jetistikter tileımin. Men bolashaqta da bizdiń elderimiz arasyndaǵy dostyq qarym-qatynasty oıdaǵydaı jalǵastyra alamyz dep úmittenemin jáne soǵan senemin. Menińshe, Horvatııa men Qazaqstan arasyndaǵy pers­pektıvalyq yntymaqtastyq qarym-qatynastarymyzdy tereńdete túsý úshin ony qosymsha mazmundy bastamalarmen tolyqtyryp, jańa saıası serpin berý qajet dep esepteımin.   Memleket basshysy  Nursultan Nazar­baev­ty prezıdenttik saılaýdaǵy   senimdi je­ńi­simen Polsha Respýblıkasynyń Prezıdenti Bronıslav Komarovskıı quttyqtady. Quttyqtaýda bylaı delingen: Qurmetti Prezıdent myrza, Qazaqstan  Respýblıkasynyń Prezıdenti bolyp qaıta saılanýyńyzben quttyqtaýǵa  ruq­­sat etińiz. Polsha   Qazaqstan  Respýblıkasynyń   soń­ǵy jyldardaǵy  jan-jaqty  damýyn  aıryqsha   yqylaspen  baqylap   otyr jáne  byltyr EQYU-daǵy tóraǵa­lyq­pen  mazmundalǵan Sizdiń elińizdiń   halyqaralyq   sahnadaǵy  ósip otyrǵan   belsendiligin  qanaǵattanarlyqpen atap   kórsetedi. Bizdiń ekijaqty  qarym-qatynastarymyzdyń  qarqyny  arta túsedi degen  úmittemiz.   Memleket basshysy Nursultan Nazar­baev­ty prezıdenttik saılaýdaǵy senimdi jeńisimen Pákstan Islam Respýblıkasynyń Prezıdenti Asıf Álı Zardarı quttyqtady. Quttyqtaýda bylaı delingen: Joǵary mártebeli, Sizdiń kóshbasshylyǵyńyzben Qazaqstan bıik belesterge jetti. Sizdiń jeńisińiz – Sizdiń basshylyǵyńyzdaǵy eldiń, Qazaqstan halqynyń zor seniminiń kórinisi. Pákstan Qazaqstanmen eki jaqty qarym-qatynastaryna úlken mán beredi. Men bizdiń elderimiz arasyndaǵy dostyq baılanystardyń odan ári de tek nyǵaıa túsetinine senemin.   Memleket basshysy Nursultan Nazarbaev­ty prezıdenttik saılaýdaǵy senimdi jeńisimen Irak Respýblıkasynyń Prezıdenti Djalıal Ta­labanı quttyqtady. Quttyqtaýda bylaı delingen: Saılaý qorytyndysy Sizdiń basshyly­ǵy­ńyz­ben eldegi qol jetkizilgen áleýmettik-ekono­mıkalyq jáne mádenı jetistikterge Qazaqstan halqynyń bergen joǵary baǵasy dep esepteımiz. Biz halyqtarymyzdyń izgiligi men múddesi úshin eki el arasyndaǵy mádenı, ekonomıkalyq jáne saıası salalardaǵy qarym-qatynasty keńeıtýge daıyn ekendigimizdi qýattaǵymyz keledi.