«Bóbek» qory keleshekke qyzmet etedi

Almatydaǵy Ulttyq baspasóz klýbynda «Bóbek» qory «Qaıyrymdylyq aksııasynyń qorytyndylary» taqy­ry­byna arnalǵan baspasóz máslıhatyn ótkizip, onda qordyń basshylary, resmı ókilderi atqarylyp jatqan ıgi ister jaıynda esep berdi. Táýelsizdigimizdiń alǵashqy jyl­dary barsha qaýymǵa, ásirese jetim balalar men ata-ana qam­qor­lyǵynan tys qalǵan sábıler úshin aýyr kezeń bolǵany belgili. Sol tusta elimizde qoǵamdyq qor­lar, qoǵamdyq negizde is bas­taý­shy toptar kóptep qurylyp, qa­ıy­rymdylyq, izgilik qolyn soz­ǵany áli kúnge jadymyzda. Mine, sondaı alǵashqy qoǵamdyq qor­lardyń biri 1992 jyldyń naýryz aıynda Sara Nazarbaevanyń bas­ta­masymen ómirge kelgen «Bó­bek» qory búgingi kúnge deıin sol qoldaýynan esh aınyǵan emes. «...Men adamdarǵa kómek bere ala­tynymdy túsindim, onyń ús­ti­ne meniń jaǵdaıym basqalarǵa qa­ra­ǵanda osy iste anaǵurlym kóp is tyndyrýǵa múmkindik týdyra­dy», – degen edi sol jıynda Sara Alpysqyzy. Rasynda da, on to­ǵyz jyl ishinde «Bóbek» qaıy­rymdylyq qory «jetimge aqyl berýshi kóp, baqyr berýshi az» ýa­qytta ana jylýy men otbasynan aıyrylǵan balalarǵa áleýmettik kómek berýde qyrýar sharýa at­qardy. Búginde onyń barlyǵy­nyń atyn atap, túsin tústep jatý múmkin emes. Qordyń eń basty maqsaty – balalar úıleri men olarǵa arnalǵan saýyqtyrý mekemelerine kómek kórsetý bolatyn. Sol kezderi respýblıkanyń bar­lyq aımaqtaryndaǵy balalar úı­lerine ondaǵan tonna gýmanı­tarlyq kómek jiberilip turdy. Sara Alpysqyzy Qazaqstan­daǵy balalar úıleriniń baǵyt-baǵdaryn ózgertýdi de qolǵa al­yp, jetim balalardy tárbıeleý júıesine «SOS Kınderdorf» ha­lyqaralyq qorynyń otbasylyq úlgidegi jáne jasóspirimder aýy­lyn jasaqtaý tájirıbesin engizgen birden-bir adam. Olardyń turmys-tirshiligin biryńǵaı mo­deldeýdiń arqasynda búginde balalar úıinde tárbıelenýshiler mahabbat pen qamqorlyqtyń aıa­synda tatý-tátti ómir súrýde. Bul aýyldan jetim balalar jańa ot­basyly bolyp, ata-ana, ózderine jaqyn baýyr tapty. Sonyń ná­tıjesinde, «Bóbek» qorynyń jetekshiligimen «Otbasy úlgisindegi balalar aýyly jáne jasós­pirim­der úıleri týraly» Qazaqstan Res­pýblıkasynyń Zańy qabylda­nyp, memlekettiń balalarǵa áleý­mettik kómek kórsetý jaýapkershiligi men qamqorlyǵy arta tús­keni belgili. Bilim jáne ǵylym mınıstrliginde Balalar quqyq­ta­ryn qorǵaý komıteti men onyń ob­lystyq departamentteri quryldy. Qordyń basty jumysy jetim balalarǵa qaıyrymdylyq kómek kórsetý bolsa, búgingi tańdaǵy negizgi baǵyttardyń biri – jetimder men ata-anasynyń qamqor­ly­ǵynsyz qalǵan balalarǵa bilim berý úshin qarjy bólý. Máselen, 2002 jyldan «Bóbek» qory ata-anasyz jáne az qamtylǵan otba­synan shyqqan stýdentterge ál­eý­­mettik kómek bere bastady. Osy jyldar ishinde arnaıy stıpendııa túrinde qarjylyq kómek ala­tyn stýdentterdiń sany 30 myń­nan, al olarǵa kórsetilgen kómek qarjysy 113 mıllıon teńgeden asty. Sara Alpysqyzy kómekke muqtaj bala sanynyń artqanyn bilip, qarjyny depozıttik júıemen sheshýdi qolaıly tásil dep tapty. Bank depozıtine salynǵan qarjy ósimi, alǵashqy somasyn joǵaltpaı-aq, búgingi tańda balalardyń barlyq qa­jet­tiligin ótep keledi. Sara Alpysqyzy izgilik qa­ıyrymdylyqtyń aınymas belgisi dep tanyp, qashanda óziniń tý­ǵan kúnine kelgen qonaqtar ara­syn­da jetim balalarǵa arnap qa­ıyrymdylyq aksııasyn uıym­das­tyrýdy dástúrge aınaldyrǵan desek, bıyl da osyndaı qaıy­rymdylyq aksııasyn ótkize oty­ryp, jınalǵan qarjyny qazaq­standyq balǵyndarǵa kómek retinde berýdi uıǵardy. Qaıy­rym­dylyq keshten jınalǵan qarjy­dan Almaty qalasyndaǵy №3 balalar úıinde tárbıelenýshi sábı­ler sensorly bólmeli bolsa, aý­yldyń eki birdeı mektebi avto­býsqa qol jetkizdi. Al demeýshiler syıǵa tarqan eki avtobýs Germanııadan kelip, olardy qajet etetin balalar úıine jiberilmek. – Bul joly da qor basshysy jınalǵan qarjynyń endigi bir bóligin taǵy da balalardyń bilim alýy baǵytyna berýdi uıǵaryp, osy maqsatpen depozıtke aýda­rýdy qolǵa aldy. Jańa oqý jyly qar­sa­ńynda úzdik oqyǵan mektep túlek­teri Sara Alpysqyzy atyn­daǵy bilim grantyna ıe bolmaq. «Bó­bek» qory jetim jáne az qamtyl­ǵan otbasynan shyqqan 64 talant­ty balanyń elimizdegi jo­ǵary oqý oryndary men kolledjderindegi oqý aqysyn tóleýdi óz moınyna alyp otyr. Qazaq­stan­nyń ár ob­lysyna 4 granttan bólinedi dep josparlanýda. Bul qadamdy Sara Alpysqyzynyń analyq shynaıy mahabbatynyń erekshe belgisi dep túsinemiz, – dedi «Bóbek» qorynyń resmı ókili Aqberen Elgezek. Qashanda «Meniń atqaryp jat­qan is-áreketterim adamǵa da, Al­laǵa da jaǵady dep oılaımyn. «Bir jetimniń basynan sıpasań, qyryq perishte kúlip turady»» dep aıtýdan jalyqpaǵan Sara Alpysqyzynyń urpaq bolasha­ǵy­na arnap jasaǵan ıgi isteri kómek qolyn sozýǵa múmkindigi bar ár­bir qazaqstandyq azamat úshin úlgi bolary sózsiz. Gúlzeınep SÁDIRQYZY.