Úndistan Premeri resmı saparmen keledi

Keshe elimizdiń syrtqy saıasat vedomstvosynyń resmı ókili As­qar Abdrahmanov buqaralyq aqpa­rat quraldary ókilderine kezekti brıfıng ótkizip, aptadaǵy is-sharalar barysymen tanystyrdy. Resmı ókildiń habarlaǵanyndaı, Qazaqstan Úkimeti Japonııadaǵy zilzala men sýnamıden oryn alǵan apat saldaryn qalpyna keltirýge qarjylaı jáne gýmanıtarlyq kó­mek retinde osy elge 1 mıllıon AQSh dollaryn berý jáne 33 tonna et konservilerin jetkizý jónin­de sheshim qabyldaǵan. «Qazaqstan Respýblıkasynyń Tótenshe jaǵ­daı­lar mınıstrliginiń ushaǵy osy júkpen búgin Japonııaǵa attana­dy», dedi resmı ókil. Al 1 mıllıon AQSh dollary kólemindegi qar­jy Japonııanyń Qyzyl Krest qo­ǵa­mynyń esep-shotyna aýdarylady. Taǵy bir belgili bolǵany – Tá­jikstan astanasy Dýshanbede Qa­zaq­stan dıplomatyna shabýyl ja­salǵandyǵy. Asqar Abdrahma­nov­­­tyń Dýshanbedegi Qazaqstan Res­pýb­lı­kasy elshiliginiń málime­tine sú­ıe­nip keltirgen derekterine qara­ǵanda,  keshe keshkisin saǵat 5.00  kezinde Dýshanbeniń Aını kó­she­siniń boıynda elshiliktiń ekinshi hat­shy­sy Ámir Janaevqa shamamen 6-7 (25-30 jas aralyǵyndaǵy) jergilik­ti ult ókili tarapynan shabýyl jasal­ǵan.  Á. Janaevtyń janynda bul oqıǵa kezinde jubaıy men 4 jasar balasy bolǵan. Sonyń sa­l­da­rynan elshilik qyzmetkeri bir­qa­tar jara­qat alǵan. Qazirgi kezde onyń den­saýlyq jaǵdaıy qalpyna kelýde. Resmı ókil mynadaı da má­limetterdi keltire ketti. О́ki­nishtisi sol, jergilikti polısııa ók­il­deri oqıǵa ornyna tek 20 mı­nót­ten keıin ǵana kelgen. Japa shekken qazaqstandyq dıplomatqa kó­she­niń boıyndaǵy jergilikti tur­ǵyndar  tarapynan eshqandaı kó­mek kór­setilmegen. Resmı ókildiń aıtý­ynsha, QR elshiligi bul jónin­de Tájikstannyń bılik oryn­daryna tıisti málimdeme jasady. Atalǵan málimdemede  ultshyldyq jáne sho­vınıstik áreketterdiń ult­ara­lyq arandatýǵa soqtyrýy múm­kin ekenine alańdaýshylyq bildirilgen.  Al Tájikstan bılik organ­dary  buzaqylardy tez arada anyq­tap, olardy ustaıtynyna senim bil­dirip otyr. Dýshanbeniń quqyq qor­ǵaý organdary osy máselege baı­lanysty qylmystyq is qozǵady. Sonymen qatar, A.Abdrahmanov 15-16 sáýirde Qazaqstan Prezıdenti Nursultan Nazarbaevtyń shaqyrýymen Úndistan Premer-Mınıstri Manmohan Sınghtiń Astanaǵa resmı sapary bolatynyn habarlady. Elimiz syrtqy ister mınıstrliginiń resmı ókili: «Jo­ǵary deńgeıdegi kelissózder ná­tıjesi boıynsha birlesken má­lim­deme qabyldanady dep kútilýde. Sondaı-aq, sapar aıasynda eki­jaq­ty ekonomıkalyq yntymaqtastyq boı­ynsha birqatar kelisimderge qol qoıý josparlanýda», – dedi. Qa­zaq­stan taraby aldaǵy sapar eki memleket arasyndaǵy startegııalyq áriptestiktiń damýyna eleýli úles qosatynyna, sondaı-aq saýda-eko­nomıkalyq yntymaqtastyqta birlesken jobalardy júzege asyrýǵa jańa serpin beretinine senim artýda. Asqar TURAPBAIULY.