Baǵa qansha qubylsa da...

DEPÝTATTYŃ  ÝÁJDERI ShYNDYQQA JANASPAITYNYN JERGILIKTI JERDEGI JAǴDAI AIǴAQTAIDY Oblystyq aýyl sharýa­shyly­ǵy basqarmasyndaǵylar «Egemen Qazaqstannyń» oblystaǵy tilshiler qosynymen habarlasyp, Má­ji­lis depýtaty Petr Dmıt­rı­en­konyń respýblıkalyq baspasóz más­lıhaty arqyly taratqan má­lim­demesiniń keı tustarymen úz­ildi-kesildi kelispeıtinderin bildirdi. «Halyq qalaýlysy baǵany turaqtandyrýdyń joldaryn usy­nyp, Úkimet nazaryn aýdarǵany durys-aq. Alaıda, Soltústik Qa­zaqstan oblysynan keltirgen my­saldary eshqandaı shyndyqpen úılespeıdi. Onyń jergilikti ahý­aldy tereń zerttemegeni kórinip tur», dep qara qazandaı ókpe­le­rin jaıyp saldy. Olardyń renjıtindeı jóni bar. Depýtat «Soltústik Qazaq­stan oblysynyń aýyldyq okrýgterinde sıyr eti 480 teńge tursa, kóterme saýda jasaýshylar et ba­ǵasyn 3000 teńgege deıin (astyn syzǵan – biz) sharyqtatyp jibergen» dep aıdy aspanǵa bir-aq shy­ǵarǵan. Dmıtrıenkonyń soltús­tik­qazaqstandyqtardyń óńi túgil túsine enbegen baǵany qaıdan al­ǵany túsiniksiz. Basqarma bastyǵy Nurlan Bıbolaev qol qoıǵan an­yqtamaǵa súıensek, sıyr eti eldi mekenderden 650-720 teńgege sa­typ alynyp, bazarlarda 750-800 teńgege satylýda. Qoı eti de osy shamalas. Shoshqa, qus etiniń ba­ǵa­sy tómen. Sol sııaqty halyq qa­laý­lysynyń bıdaı baǵasynyń 40 myń teńgege deıin kóterilip ketýine baılanysty Petropavl nan pisirý kombınatynda nannyń baǵa­sy 48 teńgege jetip, onyń sońy 5 fırmalyq dúkeniniń jabylýy­na alyp keldi degen paıym­daý­la­ry aqıqat aýylynan alys jatq­a­nyn atalmysh kásiporynnyń kom­mer­­sııa­lyq dırektory Serik Ramazanov joqqa shyǵardy. Ol bergen anyqtamada oblystyq ákim­dik­pen jasalǵan memorandýmǵa sáı­kes bı­daıdyń ár tonnasy 26 500 teń­geden bosatylyp, bir bólke nan 45 teńgeden aspaıtyny, dú­ken­­der­diń úzilissiz jumys istep jat­qany keltirilgen. Baǵalardyń qaı jerde bolsyn synaptaı myń qubylyp turǵany ras. Sol sebepti kóp tutynatyn t­a­ýarlar men azyq-túlikti qym­bat­tatpaý – kókeıtesti máseleler­diń biri. Qyzyljar óńirinde asa qa­jetti azyq-túlik túrleri men ta­ǵam­dardyń baǵasyn turaqtan­dy­ryp, qoljetimdi etýdiń múm­kin­dik­teri jan-jaqty qarastyryl­ǵan. Bir mysal. Qyrǵyzstannan jemis-kókónisti tikeleı jetkizý jumystaryn júıeli uıymdas­ty­rý­dyń nátıjesinde kartop, sábiz, qyryqqabat arzandady. Qant, kú­rish, ósimdik maıy turaqty baqy­laýda. Et-sút ónimderiniń baǵasy ejelden qoljetimdi. Aıtpaǵymyz, baǵalardy tu­raq­tandyrý maqsatymen jergilikti bılik oryndary tarapynan at­qarylyp jatqan keshendi shara­lar­dy bile tura Parlament Máji­lisiniń depýtaty, jerlesimiz P.Dmı­trıenkonyń derekterdiń óń­­in aınaldyryp, ótirikti shyn­daı, aqsaqty tyńdaı etýi halyq qa­laý­lysy degen mártebeli atqa ja­ra­syp turǵan joq. О́mir ESQALI. Soltústik Qazaqstan oblysy.