Jarystar kúndeligi

Kásipqoı boks. Jýyrda ká­sipqoı bokstan Búkilálemdik serııa boıynsha ótip jatqan jarystyń jartylaı fınal­dyq kezdesýleri ótti. Kópten beri jankúıerler kút­ken bul jekpe-jekte Azııa aıma­ǵynan «Baký faıers» pen «Astana arlandary», Eýropadan «Parıj ıýnaıted», Amerıka qur­ly­ǵynan «Los-Andjeles matadors» boksshylary kezdesti. Mun­da óz alańynda amerıkalyq komandany qabyldaǵan «Astana arlandary» qarsylastaryn 4:1 esebimen utsa, ázirbaıjandyq uj­ym da Bakýde «Parıj ıýnaıted» komandasynan osynshama es­eppen basym tústi. «Astana arlandary» sapynda Mir­jan Ra­qymjanovtan (54 kg.) bas­qala­ry­nyń bári taza jeńiske jetti. 61 kg. salmaqta Mereı Aq­shalov bra­zılııalyq legıoner Lopes Evertondy jeńse, Qanat Si­lám (73 kg.) Lamýr Rasseldi teh­nı­­ka­lyq nokaýtqa jiberdi. 85 kg. sal­maqta astanalyqtar sapyn­daǵy ózbek legıoneri Ramzjon Ah­medov amerıkalyq koman­da­nyń qa­ta­ryna qosylǵan ýkraın Vıacheslav Shabranskııden basym tús­se, 91 kg.-den joǵary sal­maq­taǵy Rýslan Myrsataev Devıd Imoeserıdi Qanat sııaqty no­kaýt­qa jiberip utty. «Astana arlandarynyń» kelesi jekpe-jegi 16 sáýir kúni Los-Andjeles qalasynda ótedi. Osy kúni Parıjde «Baký alaý­lary» alań ıelerimen qolǵap túı­istiredi. Jankúıerlerdiń jo­ra­maly boıynsha fınalda taǵy da «Astana arlandary» men «Baký alaýlary» kezdesýi múmkin. Tennıs. Halyqaralyq tennıs federasııasynyń sheshimi boıynsha Devıs kýbogy jo­lyn­daǵy Qazaqstan men Argen­tına arasynda ótetin shırek fınal­dyq kezdesýler bir kún erte ótetini belgili boldy. Kúntizbege sáıkes bul ja­rys­tar 8-10 shilde kúnderi ótýi tıis bolatyn. Biraq 10 shilde kúni bel­gilengen Býenos-Aıres qala­sy­nyń úkimeti men merin saı­laýǵa baılanysty Qazaqstan men Argentına arasyndaǵy match 7-9 shilde kúnderine aýystyryldy. Sóıtip, 7 shilde kúni 2 jekelegen kezdesý ótse, kelesi kúni jup­tasý oıyny, al 9 shilde kúni eki jekelegen kezdesý ótedi. Dastan KENJALIN.