Birjannyń inileri men Saranyń sińlileri qaıda?

Iá, tarıhta aıtys óneriniń injý-marjany sanalatyn Birjan men Sara esimi atalǵan kezde qıyn­nan qıystyryp, marjan sóz tergen qyz ben jigit kóz aldyńa keledi desek, Aqsý aýdanynyń 80 jyl­dyq mereı- toıyna oraılastyryp, ákim­­dik Almaty men Aqmola o­b­lys­tary­nyń arasynda «Saranyń siń­li­leri – Birjannyń inileri» atty res­pýblıkalyq aqyndar a­ı­ty­syn ót­kizý­di josparlap otyr eken. Osy bastamaǵa rýhanı qoldaý kórsetken belgili telearnalarda ózin­dik kózqara­sy­men, aıtar  oı­la­ry­men tanylyp, kórermen kóz­aıy­myna aınalǵan Nurtileý Iman­ǵa­lıuly bar ekenin bilip, áripte­si­miz­ben habarlasqan bola­tyn­byz. Nur­­tileý óz sózinde aýdannyń me­reı­to­ıyn ótkizýge kıeli mekennen túlep ush­qan aza­mattardyń da qol­daý kór­setýge daıyn ekenin áńgi­meledi. Toıdyń bolǵanynan qashanda bo­la­dysy qyzyq. Sol qyzyq shy­nyn­da da qyzyp tur eken. Sonyń biri – aqyndar básekesi. Jáı ǵana emes áıgili el aýzyndaǵy «Birjan men Sara» aıtysyn jańa dáýir­degi sony qyrynan tanytý, dás­túr­li qyz ben jigit arasyndaǵy názik sezim ushqynyn mazdatý deýge bolady. Jalpy, aıtysqa negizinen Al­maty men Aqmola óńirleriniń qyz-jigitteri qatystyrylmaq. De­­se de, nıet bildirgen kez kelgen ózge aımaqtaǵy aıtysker qyz-jigit ótinish bildirip jatsa, qup alýǵa bolady, deıdi Nurtileý. Irikteýden ótip, aıtysqa qatysqan Sara­nyń sińlileri men Birjannyń inileri qazaq óneriniń belgili tulǵalary Birjan men Sara atyndaǵy jáne Aqsý aýdany­nyń sýyryp- salma shaıyrlary Ilııas Jansúgirovten bastap, qart Tolǵambaı, Qýat Teribaev, Iman­ǵalı Qalıasqaruly, Qanıpa Bu­ǵy­­baeva jáne taǵy basqa aqyndar atyndaǵy syılyqtarmen marapat­talatyn bolady. Kúmisjan BAIJAN. Almaty oblysy.