Ishki kóshi-qondy jandandyrý qajet

«Egemen Qazaqstan» gazetiniń 2017 jyl­ǵy 21 aqpandaǵy sanynda jýrna­lıst Qaz­bek Quttymuratulynyń «Aýyl­dy mektep saqtaıdy. Mektepti kim saq­taı­dy?» atty maqalasyn oqyp, qazaqty tol­ǵan­dy­ryp otyrǵan ózekti máseleni kó­ter­gen­di­gine tánti bolyp, osy pikirimdi jol­dap otyr­myn. Birden aıtaıyn, 20 jylǵa jýyq ýa­qyt­­tan beri gazetti jazdyryp alamyn. Ma­­­mandyǵym – tarıh pániniń oqytýshysy. Mun­­daı ashyq ári ózekti taqyrypty basylym tereńinen qozǵaı ber­meıtin. Gazette qa­zaqty, jalpy qazaq­stan­dyq­t­ardy alań­dat­­­qan máselelerdiń kóterile bas­taǵany me­ni qýantyp otyr. Burnaǵy jyldary mun­­daı mańyzdy máse­le­lerge jana­ma atús­ti qarap, tereńirek mán bere be­r­meı­­tin. Eń bas­ty­sy, birinshi bette ja­rııa­lan­baı­tyn. Qazbek baý­y­rymnyń qazaq úshin asa mańyzdy taqyrypty qoz­ǵap otyr­­ǵa­ny me­ni, jaýapkershilikpen aıtaıyn, myń­­­da­ǵan ońtústikqazaqstandyqtardy mazalap otyr­­ǵan jaǵdaıdy kótergeni kóńilimizge úmit otyn jaqty. Soltústiktegi Reseımen she­­karalas aý­dandardaǵy demografııalyq jaǵ­­daıdyń alań­datarlyq ekenin bárimiz bi­lemiz. Toqeterin aı­taıyn, bizdiń oń­tús­tikte ár synypta 30-35 ba­laǵa deıin oqý­shy ustap otyrǵan Saryaǵash, Saıram, Maq­taaral jáne Shymkent qalasynda mek­­tep­­ter jetkilikti. Oralmandardy qoıa­ıyq, ke­l­etinderi kelip bitti. Ishki kóshi-qonýdy jan­dan­dyraıyq degim keledi. Bir-eki ot­­ba­syny emes, birden on-jıyrma jas ot­ba­­syn kóshirip apa­ryp qonystandyrýǵa jaǵ­­daıymyz jetedi. Tek ony qalaýmyz ke­­rek. Elimizdiń keleshegin bú­ginnen oı­laǵ­anymyz abzal. Tıisti túsindirý ju­­mys­taryn júrgizse, bul isti nátıjeli qol­ǵa alýǵa bolady.