Úzdik poshtashy Aqsýda turady

Ortalyq poshtanyń ishi jarqyrap tur, jańartylǵan, jóndeýden ótken ár kabınada korporatıvtik qyzmet kórsetý sektory da kelýshi klıentterimen qyzý jumys jasaýda. О́te tıimdi ári yńǵaıly. Zańdy tulǵalar men jeke kásipkerge arnalǵan bólim kúnine 150-200 adamdy qabyldap, poshtalyq, qarjylyq, ıaǵnı aqsha aýdarý, aqsha aıyrbastaý jáne gazetke jazylý sekildi qyzmet túrlerin usyna alady. Sondaı-aq, jaqynda qyzmetkerleri oblys ortalyǵyndaǵy balalar úılerine baryp, olardyń ózderi qalaǵan gazet-jýrnaldaryna jazdyryp, túbirtekterin syıǵa tartypty. Aıtpaqshy, bizdiń óńirdegi Aqsý qalalyq fılıalynyń poshtashysy Aıgúl Júnisova Astanada ótken poshtashylar baıqaýyna qatysyp, elimizdiń «Eń úzdik poshtashysy» atanyp keldi. Aıgúl 7 jyl boıy qaladaǵy ózine bólingen bólim­she turǵyndaryna gazet-jýrnaldar, hat-habar jetkizedi. Baıqaýda beınerolık arqyly óz bólimshesiniń qalaı qyzmet jasaıtynyn kórsetip beripti. Baıqaýda poshtashynyń qyzmet barysynda kıetin úzdik kıim úlgisin kórsetip, qarapaıym poshtashy Aıgúl barlyq saýal­darǵa durys jaýap ta bergen. – Bizdi úılerinde asyǵa kútip otyratyn zeınetkerler, múm­kindigi shekteýli jandar az emes. Poshtashynyń velo­sıpedi barlyǵyna da tez jetýge asyǵady. О́zimizge ystyq «Egemen Qazaqstan», oblystyq «Saryarqa samaly» gazetteri de kúndelikti meniń sómkemde, ár úıge ýaqytynda jetkizemin, – deıdi Aıgúl. Al «Qazposhta» AQ bólim­shelerin jańǵyrtý jumystary bizdiń oblystan bastalypty. Bul ıgilikti is aýdan orta­lyq­tary men aýyldarda da jal­ǵasyn tabady. Farıda BYQAI, «Egemen Qazaqstan» PAVLODAR