2016 jyly aıyna 100 myń teńgeden kóp tabys ózin ózi jumyspen qamtýshylar sany 33 myńǵa ulǵaıdy. Alaıda, shaǵyn jáne orta bıznes tabysynyń kóbeıýine eldiń ekonomıkalyq ósiminiń báseńdeýi kedergisin keltirýde, dep jazady finprom.kz saraptama qyzmeti.
Qazaqstanda ekonomıkanyń álsiregenine qaramastan, kásipkerlik belsendilik artyp, bıznespen aınalysý óz tıimdiligin dáleldeýde. 2016 jyly jemisti eńbek etýshi ózin ózi jumyspen qamtýshy azamattar sany 33 myńǵa kóbeıip, 2015 jylǵymen salystyrǵanda 2 paıyzǵa ulǵaıdy.
Jyl qorytyndysy boıynsha, qazirgi tańda mundaı kásipkerler sany 1,8 mln-dy quraıdy.
2016 jyly qazaqstandyqtar kásipkerlikke belsendi túrde aýysa bastady. Bir jyl ishinde jemisti eńbek etip jatqan jeke kásipkerler sany 75 myńǵa ulǵaıyp, ótken jylǵydan 6 paıyz kóbeıip, 1,3 mln-ǵa jetti.
Sonymen qatar, ózderiniń kásipteri arqyly tabys taýyp, oǵan qosa ózge azamattardy jumyspen qamtýshy kásipkerler sany da ósti. Statıstıkaǵa súıensek, olardyń sany ótken jylǵydan 16 paıyz kóbeıip, 123,4 myńǵa jetti.
Budan bólek, halyq ishinde jeke aýla sharýashylyǵymen aınalysatyndar sany azaıyp keledi. Oǵan sebep, birinshiden, jappaı kásipkerlikke bet burý bolsa, ekinshi jaǵynan eldegi bul salanyń turalaı bastaýy. Nátıjesinde, bir jyl ishinde mundaı kásip ıeleriniń sany 56 myńǵa kemip, 12 paıyz azaıyp, 402 myńdy qurady.
