Úı ázir qymbattamaıdy

Ulttyq valıýtanyń nyǵaıýy Qazaqstannyń turǵyn úı naryǵyna aıtarlyqtaı ózgerister alyp keledi dep kútilýde. Satyp alýshylardyń belsendiligi artýyna baılanysty baspana baǵasy aıtarlyqtaı arzandaýy múmkin, dep jazady homsters.kz. О́tken jyldyń jeltoqsan aıynan beri dollardyń teńgege shaqqandaǵy quny 9 paıyzǵa nemese 28 teńgege tómendep, 341-den 314 teńgege deıin jetken. Sarapshylardyń pikirinshe, mundaı jaǵdaıda aqshasyn AQSh valıýtasymen jınap otqan qazaqstandyqtar jalma-jan jyljymaıtyn múlik satyp ala bastaıdy. "Valıýta baǵamynyń qubylýynyń jyldam bop jatqany sonshalyq, turǵyn úı naryǵyndaǵy baǵalarǵa áser etip úlgermeı jatyr. Tıisinshe, úı baǵasy ózgerissiz. Al, úı alýǵa aqshany dollarmen jınap otyrǵan qazaqstandyqtar jınaǵynyń qunsyzdanyp bara jatqanyna alańdap, endi dereý úı ala bastaıdy. Máselen, byltyr jeltoqsan aıynda 50 myń dollar 17 mıllıon teńge bolsa, qazir 16 mıllıon teńgege deıin arzandap ketti. Al, baspana baǵasy bolsa áli ózgergen joq", – deıdi Homsters.kz portalynyń seriktes sarapshysy Marııa Ren. Onyń aıtýynsha, aldaǵy ýaqytta jyljymaıtyn múlik naryǵynda baǵalar aıtarlyqtaı tómendeıdi. О́ıtkeni, ekinshi deńgeıli naryqtaǵy úı satýshylary álige deıin dollarmen eseptesip otyr.