Jambyl oblysynda jıhazy joq kitaphanalar bar

Búginde elimiz damýdyń dańǵyl jolyna túsip, álemdik órkenıetten óz ornyn alǵaly beri barlyq sala derlik zamanaýı sıpatqa kóshti. Ǵalamtor júıesi qurylyp, bilim berýdiń de túrli tásilderi júzege asty. Jambyl oblysynda 288 ki­taphana bolsa, sol kitap­ha­­nalardyń 92 paıyzy kompıý­ter­men qam­ty­lypty. Ki­tap­ha­nalardyń ma­te­­rıal­dyq-tehnıkalyq jaǵdaıyn jaq­­­sartý maqsatynda oblys boı­yn­­sha 13 mıllıon 589,6 myń teń­­ge jumsalǵan. Desek te, áli de bir­qatar ózekti máseleler bar eken. Merki aýdandyq ortalyq ki­taphanasy áli kúnge deıin jı­hazsyz otyr. 2014 jyly jón­d­eýden ótse de, bul másele áli sheshimin tappaı keledi. Mun­da ǵalamtor endi qosylyp jat­qanymen, kitap sóreleri ja­ńar­tylmaǵan. Tipti, jıhazdyń joq­tyǵynan atalǵan mekeme ob­lys­tyq kitaphanashylar semınaryn da ótkize almaı otyr eken. En­di aýdandaǵy kitaphananyń jaıy osyndaı bolǵanda, oǵan qa­rasty 28 kitaphananyń kúıin top­­shylaı berýge bolady. Merki aý­­dandyq kitaphanasynyń dı­rek­­tory Janat Súıimqulova aýdan ákiminiń jıhaz alýǵa 2 mı­llıon teńge bólgenin aıtty. Alaıda, bul qarajat ta jet­ki­liksiz bolyp otyr. Mundaı másele Moıynqum aý­danynda da bar. Osy ýa­qytqa deıin aýdandaǵy 20 ki­tap­­­hananyń 19-y ǵalamtorǵa qo­­sylmaǵan. Budan bólek, aýdan ki­tap­hanasyndaǵy jıhaz­dar da toz­­ǵan, stellajdar da zamanaýı talapqa saı emes. Ki­taphana dı­rektory Ǵalııa Shýbaeva osy máselelerge jer­gi­­likti ákimdikten jyl saıyn aq­­sha suraıtynyn, alaıda, ala al­maı kele jatqanyn jetkizdi. Bi­raq búginde 5 kitaphanany ǵa­lamtorǵa qosý úshin jergilikti bıýd­jetten 1 mıllıon 271 myń teń­ge qarastyrylypty. Endi ki­taphana basshylyǵy taǵy 10 kitaphanany ǵalamtorǵa qosý úshin aýdan ákimdiginen qa­rajat surap otyr. Jıhaz de­mek­shi, kitaphanaǵa 2014 jyly qarjy bólinip, ol aqshaǵa tek qana oqý zalyna oryndyqtar alynǵan eken. Endi qansha qa­rajat bólinip, kitaphana qa­shan qalpyna keletinin ýaqyt kór­setedi. Hamıt ESAMAN, «Egemen Qazaqstan» Jambyl oblysy