««Qazaqkonsert» memlekettik konserttik uıymy» basshylyǵynyń uıymdastyrýymen «Qazaqstannyń úshinshi jańǵyrýy: jahandyq básekege qabilettilik» atty aǵymdaǵy jylǵa arnalǵan Elbasy Joldaýyn túsindirý maqsatynda dóńgelek ústel bolyp ótti.
Máńgilik el - ata-babamyzdyń san ǵasyrlar boıy armandap ótken asyl armany. Elimizdiń osyndaı bıik beleske jetýi, álem moıyndaǵan Qazaqstan Respýblıkasy atanýy - babalarymyzdyń jaý jelkeden alǵanda, aq bilektiń kúshimen, aq naızanyń ushymen san ǵasyrlar boıy kúresýiniń jemisi. Elbasymyz 30 qańtar kúni Aqordadan dástúrli joldaýyn Qazaqstan halqyna jarııalady. Memleketimizdiń úshinshi múshelge aıaq basqan shaǵynda jarııalanǵan joldaýy «Qazaqstannyń úshinshi jańǵyrýy: jahandyq básekege qabilettilik» dep atalady. Elbasymyzdyń árbir joldaýy - tolǵaýy tereń qaıtalanbas dúnıe. Máńgilik el bolý jolynda kóshbasshymyzdyń jasaǵan árbir qadamy qanatymen sý tasyǵan qarlyǵashtyń tirshiligindeı ekeni daýsyz.
Osyndaı eńbektiń ólsheýsiz ekenin uǵyndyryp, jan-jaqty túsindirý maqsatynda QR Mádenıet jáne sport mınıstrliginiń «Qazaqkonsert» memlekettik konserttik uıymy» RMQK dırektorynyń mindetin atqarýshy Saltanat Seıdimbek, Memlekettik syılyqtyń laýreaty, aqyn Nesipbek Aıtuly, QR eńbek sińirgen qaıratkeri Janǵalı Júzbaev, QR eńbek sińirgen qaıratkeri Erlan Rysqalı qatysty. Is-shara aıasynda 130-ǵa tarta ujym qyzmetkerleri men ártisteri boldy. Memlekettik syılyqtyń laýreaty, aqyn Nesipbek Aıtuly alǵash sóz alyp jastarǵa joldaýdyń jarqyn bolashaǵyn birlesip júzege asyratynymyzdy jetkizdi. Sonymen qatar, QR eńbek sińirgen qaıratkeri Janǵalı Júzbaev Elbasy N.Á.Nazarbaevtyń bıylǵy Joldaýynan damýdyń jarqyn belesterin aıqyndaıtynymyz haq. Bul bas qujattyń burynǵy Joldaýlardan mańyzy aıryqsha. Onyń oryndalýy barysynda naqtylap bergen jospardy birlik pen berekemiz jarastyryp, júzege asyrýymyz shart ekenin aıtyp ótti.
N.Á.Nazarbaev aıtqandaı, HHI ǵasyr qazaq eliniń tarıhynda oıyp turyp oryn alar «Altyn ǵasyr» degen atpen máńgilik qalýy kerek. Máńgilik el bolý jolynda bizge eshteńe de kedergi emes. Sebebi bizdiń memlekettik tilimiz, salt-dástúrimiz, ulan-baıtaq jerimiz, birligi jarasqan halqymyz da bar. Táýelsizdikke qol jetkizgen sátten bastap, qazaq eli qarqyndy damyp, álemdik deńgeıdegi básekege qabiletti ozyq elderdiń qataryna endi.
