Golovkın Djeıkobstan jeńilse, barlyq ataqtan aıyrylady – promoýter

Promoýter Tom Leffler orta salmaqta WBA (Super), IBO, WBC jáne IBF tujyrymdary boıynsha álem chempıony Gennadıı Golovıkınniń (36-0, 33 KO) aldaǵy jekpe-jegi jóninde pikir bildirdi. «О́tken jyly WBC jelisi boıynsha Alvarespen, WBA jolynda Djeıkobspen mindetti jekpe-jek ótkizý kerek bolǵandyqtan, basqa eshnársege kóńil bóle almadyq. Sonyń saldarynan nebári eki-aq kezdesý ótkizdik. Al Golovkın jyl saıyn úsh-tórt márte rıngke shyǵyp úırenip qalǵan», – dedi qazaqstandyq boksshynyń promoýteri Tom Leffler. «Meniń basty jumysym – bárin aldyn ala josparlap otyrý. Al GGG bıyl keminde úsh ret aıqas ótkizýdi josparlap otyr. Biraq bul Djeıkobsty nazardan tys qaldyrdyq degen sóz emes. Gennadııdiń qazirgi ýaqyttaǵy bar oıy Dennı jaıly. Sebebi, 18 naýryzda jeńiske jetpese, bári qurdymǵa ketpek. Búgingi kúnimizge jetý úshin kóp eńbektendik. Onyń ústine aıqasqa shaqyrǵan boksshylardyń kóbi ýádelerinen aınyp qalyp jatatyn sátter bolyp turdy. Sondyqtan kishkene ǵana salǵyrttyǵymyz josparymyzdyń kúl-talqanyn shyǵarady. Máselen, basketbolda jeńilip turyp ta chempıon bolýǵa múmkindik bar. Al boksta bári kerisinshe. Bir ǵana jeńilis qolyńda turǵan ataqtyń bárinen aıyrady. Mundaı kezde Djeıkobs orta salmaqta eń myqty boksshy atanyp ketedi», – dedi Leffler. Aıta keteıik, qos boksshynyń arasyndaǵy aıqas 18 naýryz kúni Nıý-Iork qalasyndaǵy Madison Square Garden arenasynda ótedi.