Maksım Golovkın: Gennadıı ekeýimiz eki márte fınalda kezdeskenbiz

Maksım Golovkın HBO telearnasyndaǵy «Golovkin — Jacobs 24/7» baǵdarlamasynda baýyry Gennadıı jaıly oı bólisti. «Esimde, Gennadıı ekeýimiz bir salmaqta judyryqtasyp, eki márte fınalda bir-birimizge qarsylas bolǵanbyz. Alǵashynda men oǵan jol bersem, ekinshisinde onyń kezegi kelgen. Men osylaısha, Qazaqstan chempıony atanǵanmyn», – dep eske aldy Maksım Golovkın. «Ol kezde turmysymyz sondaı tómen boldy dep aıta almaımyn. Biraq ulttyq quramamen ózge elderge barý úshin ekeýimizge birdeı aqsha tabý qıyn bolatyn. Sol kezde Gennadııdiń kózinde erekshe bir jalynnyń bar ekenin, boksqa degen qulshynysynyń menen joǵary ekenin baıqap, oǵan jol berdim. Bul sheshimime ókinemin dep aıta almaımyn. Qaıta qazir baýyrymdy maqtan tutamyn», – dedi ol. «10-20 jas aralyǵyndaǵy jattyǵý jumystarymyz, kún demeı, tún demeı jarystarǵa daıyndalǵanymyz áli esimde. Gennadıı qazirgi jetistikterine qaramastan, áli de bıik belesterdi baǵyndyra túskisi keledi. Bul bizdiń qanymyzda bar qasıet. Jeńilgendi janymyz súımeıdi», – dedi qazaqstandyq boksshynyń aǵasy.