Almatyny abattandyrýǵa qosymsha 2,2 mlrd teńge bólinedi

Almatyda «Qolaıly qala» basymdyǵy aıasynda qalany abattandyrýǵa qosymsha 2,2 mlrd teńge bólinedi, bul týraly VI saılanǵan Almaty qalasy máslıhatynyń kezekten tys XIV sessııasy barysynda qalalyq ekonomıka jáne bıýdjettik josparlaý basqarmasynyń basshysy Maqsat Qıqymov habarlady, dep jazady strategy2050.kz. Spıker atap ótkendeı, Almaty qalasy máslıhatynyń depýtattary 2017 jylǵa arnalǵan anyqtalǵan bıýdjet jobasyn eskertýlersiz kelisken, onda TKSh jáne abattandyrýdy damytýǵa úlken kóńil bólingen. Onyń aıtýynsha, «Qolaıly qala» basymdyǵy aıasynda qosymsha 2,2 mlrd teńgeden astam qarajat bólý josparlanyp otyr. Bıyl «Medeý» saıabaǵynyń aýmaǵyna qyzmet kórsetý úshin arnaıy tehnıka men jabdyq satyp alý josparlanyp otyr. Sondaı-aq, qalalyq kóshelerdiń tazalyǵyn saqtaý úshin arnaıy tehnıka satyp alýǵa jáne 2 óndiristik baza qurylysynyń JSQ ázirleýge qarajat jumsalmaq», - dedi M. Qıqymov. Medeý aýdanynda ózen arnalary men jaǵalaýlarynda, qosymsha ýchaskelerinde aǵymdaǵy jóndeý jumystary júrgizilmek. «Qorshaǵan ortanyń sapa kórsetkishterin anyqtaý jáne olardy jaqsartý boıynsha qajetti sharalar ázirleý úshin alǵash ret qoǵam ókilderin, qalalyq máslıhat depýtattaryn jáne ekologııa salasyndaǵy táýelsiz sarapshylardy tarta otyryp, zertteýler júrgizýge 150 mln teńge qarastyrylǵan», - dep qosty ol. M.Qıqymovtyń aıtýynsha, energetıka jáne kommýnaldyq sharýashylyq salasyn damytý aıasynda jylý jelilerin qaıta qurýǵa qosymsha 2,7 mlrd teńge, 88 kóppáterli turǵyn úıge kúrdeli jóndeý júrgizýge 876 mln teńge bólý josparlanyp otyr. Sondaı-aq, qalanyń bes aýdanynda (Alataý, Áýezov, Bostandyq, Jetisý, Medeý) 11 700-ge jýyq abonent qamtyla otyryp, 3,3 mlrd teńgege 73 km sýmen jabdyqtaý jáne sý tartý júıeleri salynyp, qaıta qurylmaq.