«Aqtóbe» maýsym bastalmaı turyp upaılarynan aıyrylýy múmkin

«Aqtóbe» fýtbol klýby Qazaqstan premer-lıgasynyń kezekti maýsymy aldynda upaılarynan aıyrylýy múmkin. Bul týraly kazfootball.kz habarlady. 2012-2013 jyly «Aqtóbede» Sergeı Kovalchýk esimdi fýtbolshy oınaǵan. Kelisimsharty bola tura klýb basshylyǵy ony merziminen buryn buzǵan. О́z kezeginde fýtbolshy «Qazaqstan fýtbol federasııasynyń» daýly máselelerdi sheshetin palatasyna shaǵym túsirgen. Basshylyq aldyn ala kelisimshartty buzǵany úshin ótemaqy tóleýdi talap etken bolatyn. Mundaı sheshim shyqqanyna qaramastan Sergeı Kovalchýk tıisti aqshasyn almaǵandyqtan FIFA-nyń tártiptik komıtetine aryz jazǵan. Qazirgi ýaqytta tıisti qujattyń bári halyqaralyq federasııaǵa ótkizildi. Osy sebepti «Aqtóbeden» aldyn ala upaılaryn alyp, jańa fýtbolshylar alýǵa tyıym salýy múmkin. Fýtbolshynyń ókili Oleg Pechernyıdyń aıtýynsha FIFA-nyń osy iske qatysty naqty sheshimi naýryz aıynyń sońynda belgili bolady. Aıta keteıik, fýtbolshylary men jattyqtyrýshylarynyń jalaqasyn tólemegeni sebepti «Atyraý» klýby maýsym aldynda toǵyz upaıynan aıyrylǵan.