О́skemende áıelder qaýymynyń asyǵa kútetin merekesi aldynda ádemi aksııa uıymdastyryldy. «Súıiktińe gúl syıla» dep atalatyn dástúrge aınalǵan shara О́skemen qalalyq ákimdigi men Jastar resýrstyq ortalyǵynyń qoldaýymen ótti.
Aksııa barysynda búgin tańerteń ákimdik qyzmetkerleri jastarmen birge kóshege shyǵyp, názik jandylardy merekelerimen quttyqtap, gúl shoqtaryn syılady.
-Halyqaralyq áıelder meıramy qarsańynda jyl saıyn shahardaǵy analarymyzǵa, arýlarymyzǵa gúl shoqtaryn tartý etip kelemiz. Qalanyń barlyq aýdandaryn qamtýǵa tyrystyq, - deıdi О́skemen qalalyq jastar resýrstyq ortalyǵynyń dırektory Rınad Ahmetjanov.
Belsendi jastar ádemi bezendirilgen kóliktermen shahardyń ortalyq kósheleri sanalatyn Respýblıka alańynan «Imperator», «Alshemalı» saýda ortalyqtaryna, Ortalyq bazar mańyna jáne Jibek matalar kombınaty yqsham aýdanyndaǵy Ana men bala ortalyǵyna arnaıy baryp, burymdylardy quttyqtap, jyly lebizderin bildirdi. Uıymdastyrýshylardyń aıtýynsha, tanymaıtyn adamdardyń gúl usynǵanyna tańyrqaı qarap, áýelde bas tartqan kisiler de bolypty. Biraq kópshiligi tosyn syıdy erekshe yqylaspen qabyldap, alǵystaryn bildirgen kórinedi.
Azamat QASYM, «Egemen Qazaqstan»
О́SKEMEN
