Oblys ortalyqtarynda EKSPO-nyń bılet kassalary ashylady

Oblys ortalyqtarynda EKSPO-2017 kórmesiniń bılet kassalary ashylady, dep habarlaıdy QazAqparat Erteń Pavlodar, О́skemen, Qaraǵandy, Kókshetaý qalalarynda EKSPO-2017 kórmesiniń resmı bılet kassalary ashylady. Pavlodar – «Batyr mall» OSK, О́skemen - «Imperator» SK, Qaraǵandy - OÝM SÚ, Kókshetaý - RIO OSK. 12 naýryzda bılet kassalary Petropavl, Taldyqorǵan, Taraz, Shymkent pen Qyzylorda qalalarynda da jumys isteı bastaıdy. Petropavl – «Rahmet» SK, Taldyqorǵan – «Sıtı Plıýs» OSK, Taraz - «Smoll» SÚ, Shymkent - «Shymkent plaza» OSK, Qyzylorda – «Jıbek Joly» SÚ. Qostanaı, Aqtóbe, Oral, Aqtaý jáne Atyraý qalalarynda Halyqaralyq kórmeniń resmı bılet kassalary 25 naýryzda ashylady. Qostanaı – «Mart» OSK, Aqtóbe – «Mega Aktobe» OSK, Oral – «Sıtı Sentr» OSK Aqtaý – «Aqtaý» SÚ Atyraý – «Baizaar» OSK. Buǵan deıin kórmeniń resmı kassalary Astana men Almaty qalalarynda ashylǵan. Sondaı-aq bıletterdi kórmeniń resmı bılet saıty arqyly, Meloman dúkender jelisi men Qazposhta bólimshelerinen satyp alýǵa bolady.