Dımashtyń toǵyzynshy kezeńde qandaı án shyrqaıtyny belgili boldy (vıdeo)

Qytaıdyń «I’m a Singer» baıqaýyna qatysyp jatqan qazaqstandyq ánshi Dımash Qudaıbergenniń baıqaýdyń toǵyzynshy kezeńinde qandaı án shyrqaıtyny belgili boldy, dep habarlaıdy QazAqparat. Sina weibo áleýmettik jelilerinde baıqaýǵa qatysýshy ánshilerdiń toǵyzynshy kezeńde oryndaıtyn ánderiniń tizimi jarııalandy. Otandasymyz amerıkalyq Erık Karmenniń 1975 jylǵy týyndysy «All by Myself» ánin oryndaıtyn bolady. Bul ándi kanadalyq ánshi Selın Dıon 1996 jyly oryndap, álemdik hıtqa aınalǵan. Aıta keteıik, Dımash baıqaýdyń tórt aınalymyn (segiz kezeń) artta qaldyryp, óz jolyn jalǵastyryp keledi. Bul kúnde bastapqy jeti ánshiden tek úsheýi ǵana qaldy. Tórtinshi aınalymda (jetinshi jáne segizinshi kezeń) Dımash «Daıdıdaý» ánimen úshinshi oryn, qytaısha «Tań atty» ánimen besinshi oryndy ıelendi. Tórtinshi aınalymnyń qorytyndysy boıynsha Dımash besinshi oryndy qanaǵat tutyp, kelesi aınalymǵa joldama alǵan bolatyn.