О́tken túnde Chempıondar lıgasynyń 1/8 fınaly aıasynda «Barselona» óz alańynda Fransııanyń «Parı Sen Jermen» komandasyn 6:1 esebimen jeńip, fýtbol tarıhyndaǵy eń úzdik kambek jasaǵan bolatyn. Alǵashqy oıynda katalondyqtar 0:4 esebimen oısyraı utylǵanyna qaramastan, jeńiske jetip, shırek fınalǵa joldama aldy. Chempıondar lıgasynda osyǵan uqsas qandaı oıyndar tirkelgen eken?
«Bavarııa» 1:2 «Manchester Iýnaıted»
1998/1999 maýsymyndaǵy fınal. Nemis komandasy negizgi ýaqyttyń sońyna deıin bir gol soǵyp, alda kele jatqanmen, qosymsha berilgen mınýttarda eki birdeı dop jiberip alyp, qolda turǵan jeńisten aıyrylyp qalǵan. Goldardy soqqandar: Basler 5 – Sherıngem 90, Sýlsher 90.«Deportıvo» 4:0 «Mılan»
2003/2004 maýsymynyń shırek fınalynyń alǵashqy oıynynda ıtalııalyq komanda «Deportıvony» 4:1 esebimen jeńgenmen, ekinshi matchta 0:4 bolyp utyldy. Goldardy soqqandar: Pandıanı 5, Valeron 35, Lýke 44, Fran 76.«Mılan» 3:3 (penaltı 2:3) «Lıverpýl»
2004/2005 maýsymynyń fınaldyq kezdesýi áli kúnge deıin jankúıerlerdiń esinde bolar. «Mılan» birinshi taımda úsh gol soǵyp, alǵa shyqqanmen, oıynnyń ekinshi bóliginde dál osyndaı dop jiberip aldy. Al penaltı serııasynda «Lıverpýl» basym túsip, tarıhı jeńiske qol jetkizgen bolatyn. Goldardy soqqandar: Maldını 1, Krespo 39, 44 – Djerrard 54, Shmıser 56, Habı Alonso 60.«Borýssııa» 3:2 «Malaga»
2012/2013 maýsymynyń 1/4 fınalynda qos ujym jartylaı fınaldy sarapqa saldy. «Malaganyń» alańynda ótken kezdesý 0:0 esebimen aıaqtalǵan soń, ekinshi matchta dortmýndyqtar favorıt retinde eseptelgen. Biraq «Sıgnal Idýna Park» stadıonynda ótken oıynnyń negizgi ýaqytynda «Borýssııa» 1:2 esebimen jeńilip jatqan. Namysqa tyrysqan olar qosymsha berilgen mınýttarda eki gol salyp, qajetti jeńiske jetti. Goldardy soqqandar: Levandovskıı 40, Roıs 90, Santana 90 – Hoakın 25, Elızeý 82.«Astana» 4:3 HIK
Elorda tórinde ótken tartysty kezdesý qazaqstandyq jankúıerlerdiń esinde máńgi qalar. 2015 jyly osy týrnıdiń úshinshi irikteý kezeńinde Fınlıandııanyń komandasymen kezdesip, 4:3 esebimen jeńiske jetken. Stanımır Stoılov shákirtteri 44-mınýtqa deıin eki gol jiberip alyp, jeńilip jatqan. Astanalyqtar baryn salyp alǵashqy taımda esep aıyrmashylyǵyn qysqartsa, kelesi taımda penaltıden ári Dmıtrıı Shomkonyń ádemi golynyń arqasynda alǵa shyqqan edi. Biraq matchtyń negizgi ýaqytynyń aıaqtalýyna tórt mınýt qalǵanda fınlıandııalyqtar tarazy basyn teńestirip úlgerdi. Sońǵy mınýttarda «Astana» jeńisti goldy salyp, kelesi kezeńge joldama alǵan edi. Goldardy salǵandar: Djalloý 4, Baah 42, Zenelı 86 (penaltı) – Tvýması 44, Kanıas 47 (penaltı), Shomko 56, Postnıkov 90. Aıta keteıik, kelesi kezeńde elordalyqtar APOEL komandasynan basym túsip, óz tarıhynda alǵash ret Chempıondar lıgasynyń toptyq kezeńine shyqqan bolatyn.
