"Saǵyndyrǵan asyldar" atty kitap jaryq kórdi

Elbasy Nursultan Nazarbaevtyń erligine balanatyn bas qalanyń Alataý baýraıynan Arqaǵa qonys aýdarýy el táýelsizdiginiń aıǵaǵy ekeni talassyz. Erke Esil jaǵasynda eńse kótergen elordamyz búginde búkil dúnıe júzine belgili. El ómirindegi eń eleýli oqıǵalardyń barlyǵy osynda ótedi. Al endi erekshe ekpinmen ósip-órkendegen Astananyń mádenı-rýha­nı kelbetin qalyptastyrýǵa Alash­qa aty máshhúr qanshama aıaýly tulǵa­la­ry­myz atsalysty. О́ıtkeni, kez kelgen sha­hardyń ataǵyn alys-jaqynǵa jaıa­tyn onyń sáýlettik turǵydan sán­di ǵı­marattary ǵana emes. Ol eń áýe­li aq nıet­ti adamdarymen ádemi. Hal­qy­myz­dyń qaımaǵy sanalatyn sanatker zııa­ly­­larymen qadirli. Kóregen ult kóshbasshysynyń tikeleı shaqyrýymen maqtan tutyp, mańdaıǵa basar nebir marǵasqalarymyz munda kóship kelgeni málim. Olar táýelsiz memleketimizdiń jańa orda­synyń qazyǵyn qaǵysyp, shańyr­a­ǵyn kóterisýge kóp úles qosty. Solaı­sha Qazaqstandy sony soqpaqpen órkenıet órine bastaǵan Tuńǵysh Prezıdentimizdiń ıgi ıdeıalaryna qyzý qoldaý bildirdi. О́kinishke qaraı, sol jaqsy-jaısańdarymyzdyń birazy ómirden ótip ketti. Prezıdent syılyǵynyń laýreaty, Qazaqstannyń eńbek sińirgen qaıratkeri, belgili jýrnalıst Jumagúl Saýhattyń qurastyrýymen jýyrda jaryq kórgen «Saǵyndyrǵan asyldar» atty kitap qazir aramyzda joq bolsa da esimderi eldiń esinen ketpes Kákimbek Salyqov, Erkeǵalı Rahmadıev, Sáken Júnisov, Ázirbaıjan Mámbetov, Ábish Kekilbaev, Farıza Ońǵarsynova, Rymǵalı Nurǵalı, Dúkenbaı Dosjan, Aqseleý Seıdimbek, Áshirbek Syǵaı, Nurǵoja Oraz sekildi aıaýly jandardyń jarqyn beınelerin jadymyzda qaıta bir jańǵyrtýǵa arnalǵan. Jyly este­likterge toly jınaqqa, sondaı-aq mar­qumdardyń kózderi tirisinde jazǵan mazmundy-maǵynaly maqalalary, syr-suhbattary, oı-tolǵaýlary enipti. Atalarymyzdyń aıtýynsha, arýaq aıtqan saıyn aýnaıtyn kórinedi. Endeshe, bul eńbektiń óz mindetin meılinshe ótep, oqyrmannyń rýhanı oljasyna aınalaryna shek keltirmeımiz. Talǵat BATYRHAN, «Egemen Qazaqstan»