Elbasy hám el zııalylary

Saýsaqtarymyz pernetaqtanyń ústinde jorǵalaýdy úırengennen bastap biz aq paraqqa óz qolymyzben jazý jazbaıtyn boldyq. Ásirese, sońǵy on jylda aq paraqty kók sııamen órnektep, «Altynnan ardaqty, kúmisten salmaqty» dep bastalyp, kisiniń qadir-qasıetin sezindiretin hat jazý múlde qalyp ketti. Sodan ba, álde eki birdeı zııaly tulǵaǵa Elbasynyń óz qolymen jazǵany áser etti me, «Qazaqstan Respýblıkasynyń Tuńǵysh Prezıdenti – Elbasy kitaphanasy» memlekettik mekemesiniń Interaktıvti bilim berý ortalyǵynda turǵan myna eki hat kózime sondaı ystyq kórindi. «Asa qadirli Aqseleý!» dep bastalatyn alǵashqy hat Aqseleý Seıdimbektiń alpys jyldyq mereıtoıynda, 2002 jyly jazylypty. «Sonaý jas kezimizden bir-birimizdi bilip, syılasyp kelemiz. Seniń «Lenınshil jasta» kor­respondent keziń, meniń metal­lýrgııadaǵy (Temirtaýda) alǵashqy qadamdarym esime túsedi. Zymyrap ýaqyt ótti. Sen de alpystyń asýyna shyqtyń. Qutty bolsyn. Ǵumyrly bol. Eńbegińdi elińnen aıama», depti Elbasy. «Ultjandylyǵyńa, elińe, jerińe degen úlken jú­regińe rızamyn zamandasym!». «Torqaly toıyńnyń tórin­demin, syılaımyn, sendeı aza­mattar qazaqta kóp bolsa eken dep armandaımyn», deıtin sóılemderi arqyly jazýshyny qalaı baǵalaıtynyn jetkizipti. Al Ázilhan Nurshaıyqovqa arnap jazǵan hatynda 1991 jylǵy Tuńǵysh Prezıdent saılaýynan keıingi ekeýi­niń kezdesýinen bastap jazýshy­nyń shyǵarmalary týraly kóz­qarastary órnektelgen. «5/1. bolǵan kezdesýde maǵan «Mahabbat, qyzyq mol jyl­dardy», «Halımany» syı­ǵa tarttyńyz. Birinshisin buryn oqyp edim. Ekinshisin qolyma alǵan boıda bas kótermeı oqyp shyqtym. Tálim-taǵylymy mol keremet shyǵarma eken. Dál qazirgi zamanda jastar kóbirek oqıtyn hıkaıa. Sizdiń shyǵarmalaryńyz, oılaryńyz – el qazynasy. О́mi­rińiz – úlgi! Aman saý bolyńyz, Áz aǵa!» – delingen 6.01.2003 jyly Elbasy jazǵan hatta. Aıgúl SEIILOVA, «Egemen Qazaqstan» Sýretterdi túsirgen Orynbaı BALMURAT, «Egemen Qazaqstan»