Almatyda Start-Up akademııasy ashyldy

Almatyda Eýrazııa tehnologııalyq ýnıversıtetiniń janynan «Start-Up akademııasy» ashyldy. Buǵan deıin mundaı bilim oshaqtary Pavlodar, Atyraý men Astanada da ashylǵan edi. «Eýrazııa tehnologııalyq ýnı­versıtetiniń janynan qurylǵan «Catapult» atty Start-Up akademııa qurý ká­sipkerlerdiń jańa legin jasaqtaýda jáne otandyq jańa jobalardy damytýǵa jasalǵan jańa qadam. Aka­demııa AQSh úkimeti úshin daıar­lanǵan kommersııalandyrý baǵdarlamasynyń avtory Tomas Selýchchıdiń ádistemesi boıynsha jańa startaptardy izdep, tańdap, damy­týmen maqsatty túr­de aınalysatyn bolady. Start-Up akademııa Almaty qala­synda smart-tehnologııalar men ınnova­sııalardyń dúnıege kelýine jáne kásipkerlik orta qa­lyp­tasýyna óz úlesin qo­sa­tyn bolady», – deıdi Eýra­zııa tehnolo­gııalyq ýnıver­sıtetiniń rektory Nurja­mal Dúısenqulova. Jalpy, Astana, Pavlodar, Atyraý qalalaryndaǵy Start-Up akademııalarda 2016 jyl­dyń qyrkúıegi men jeltoqsan araly­ǵynda 102 adam oqyp, 17 jobaǵa bıznes-ıdeıa tabýdan bastap júzege asyrylýyna deıingi súıemeldeý jasalǵan. Olardyń ishinde 4 joba ınves­tısııalandy. Aınash ESALI, «Egemen Qazaqstan» ALMATY