Damýymyzǵa dańǵyl jol salǵan

Qazaqstan Respýblıkasynyń Prezıdenti – Elbasy Nursultan Ábishuly Nazarbaevtyń «Qazaqstannyń Úshinshi jańǵyrýy: jahandyq básekege qabilettilik» atty Qazaqstan halqyna Joldaýy bizdiń Máńgilik Elge baǵyt alǵan dańǵyl jolymyzdy naqty kórsetip berip otyr. Joldaýda: «Men Qazaqstan halqyna jańa dáýir qarsańynda sóz arnap otyrmyn. Elimiz óziniń 25 jyldyq damý kezeńinen abyroımen ótti. Biz elimizdi maqtan tutamyz...», – dep atap kórsetken. Sol 25 jyldyq tamasha tabystarymyz ben jetistikterimizdi búginde búkil álem biledi jáne joǵary baǵalaıdy. Árıne, elimizdiń qol jetkizgen jetistikteri, abyroıymyzdyń asqaqtaýy – bári-bári Memleket basshysy Nursultan Nazarbaevtyń kemeńger basshylyǵy men kemel saıasatynyń arqasy. Elbasymyzǵa sheksiz alǵysymyzdy aıtamyz, amandyǵyn tileımiz. Men kópbalaly «Batyr anamyn». Jasym 80-nen asyp ketti. Ulymdy uıaǵa, qyzymdy qııaǵa qondyryp, nemere, shóbere, shópshek súıip, Elbasy Nursultan Nazarbaevtyń arqasynda esh alańsyz baqytty ómir súrip kelemin. Elge birlik, bereke, Elbasyna amandyq tileımin. Rabıǵa ÁBDIǴOJINA, kópbalaly «Batyr ana» Qaraǵandy oblysy, Ulytaý aýdany