Ǵylym men bilimge jańa serpin beredi

Elbasynyń «Qazaqstannyń Úshinshi jańǵyrýy: jahandyq básekege qabilettilik» atty Joldaýy – álemdik ekonomıkalyq, saıası jáne rýhanı daǵdarys jaǵdaıynda el taǵdyryn tyǵyryqtan alyp shyǵar tarıhı qujat. Joldaýda el ekonomıkasynyń órkendeýi ǵana emes, áleýmettik jaǵdaıdy jaqsartý, ǵylym-bilimdi damytý, rýhanııatty jańǵyrtý sııaqty kóptegen máseleniń qamtylǵany barshamyzdy qýantty. Prezıdentimiz jyldar boıy bilim jáne ǵylym salasyna udaıy kóńil bólip keledi. Bıyl­ǵy Joldaýynda da bul másele nazardan tys qalǵan joq. Má­selen, Joldaýda: «Eń aldymen, bilim berý júıesiniń róli ózgerýge tıis. Bizdiń mindetimiz – bilim berýdi ekonomıkalyq ósýdiń jańa modeliniń ortalyq býynyna aınaldyrý. Oqytý baǵdarlamalaryn synı oılaý qabiletin jáne óz betimen iz­dený daǵdylaryn damytýǵa ba­ǵyt­taý qajet. Sonymen birge, IT-bilimdi, qarjylyq saýat­tylyqty qalyptastyrýǵa, ult­jandylyqty damytýǵa basa kóńil bólý kerek. Qala men aýyl mektepteri arasyndaǵy bilim berý sapasynyń alshaqtyǵyn azaı­tý qajet», – dep atap kórsetilýi qýanarlyq jaıt. Elbasynyń «Barshaǵa ar­nal­ǵan tegin kásiptik-tehnı­ka­lyq bilim» atty jobalyq baǵ­darlamasy – bilim salasyn jańǵyrtýǵa jańasha jol saly­nyp jatqandyǵyn bildiredi. Atalǵan baǵdarlama qoǵamnyń orta áleýmettik tobyn odan ári qalyptastyrýǵa barynsha yqpal etetini anyq. Bir sózben aıqanda, qazirgi qoǵamǵa ekijaqty paıda ákeletin joba bolatyny sózsiz. Elimizde jyl saıyn 30 myńnan astam mektep bitirýshi joǵary oqý ornyna túse almaı qalady. Sondyqtan olar kásibı mashyqsyz ýaqytsha jumys tabýǵa májbúr. Búginde eldiń ındýstrııalyq ortalyqtarynda qurylysshylar men elektr mamandary, dánekerleýshi men avtomehanıkter tapshy. Osy rette Memleket basshysy ja­rııalaǵan tyń bastama talaı jas­tyń úmitin oıatatyny daýsyz. Osy rette, atalmysh baǵdar­lamanyń mańyzy zor. Álemdik daǵdarys tek ekonomıka salasynda ǵana emes, rýhanı, mádenı, bilim berý baǵytyna da salmaq salatyny belgili. Úshinshi jańǵyrý – bul memleketimizdiń ósýi men álemniń eń damyǵan 30 memleketiniń qataryna qarqyndy ený úshin bolashaqqa bastaıtyn senimdi kópir. Sondyqtan, bul Joldaýdy ǵylym-bilimge jańa serpin berdi deýge bolady. Elbasy ár Joldaýynda jas­tarǵa zor úmit artady, óıtkeni, olar elimizdiń bola­shaǵy, tiregi men kepili. Jol­daý – elimizdiń jarqyn bola­shaǵy­nyń shamshyraǵy ispetti. Irgesi bekigen elimizdiń jańa beles­terge jetý jolyn­daǵy júgin jumyla kótersek, jumys nátı­jeli bolatyny anyq. Jol­daýda kózdelgen zor jáne tyń mindetterdi júzege asyrý halqy­myzdyń ortaq isi bolýy tıis. Son­dyqtan, biz zııaly qaýym ókili retinde óz kezegimizde Elba­symyzdyń kezekti Joldaýyn tolyqtaı qoldap, onyń júzege asyrylýyna óz septigimizdi tıgizýge mindettimiz. Baýyrjan TО́LTAEV, «Ǵylym ordasy» RMK bas dırektory, professor ASTANA