Oblystyq týrızm jáne syrtqy baılanystar basqarmasynyń basshysy Jasulan Sársebaevtyń aıtýynsha, osy jyldyń alǵashqy eki aıynda oblys turǵyndary 16 myńǵa jýyq bılet (9 240 bıletti poshta arqyly, 6 747 bıletti Internet arqyly) satyp alǵan. -Bul kórsetkish boıynsha oblysymyz respýblıkada kósh bastap tur. Kórme bıletteri «Qazposhtanyń» oblystaǵy 67 bólimshesinde jáne Internet arqyly saýdalanýda. Jýyq arada О́skemendegi «Imperator» saýda úıinde EKSPO-nyń resmı bılet kassasy ashylady, - deıdi basqarma basshysy.
Jaqynda О́skemende «EKSPO» kórmesiniń jaıyn talqylaǵan jıynda óńir basshysy Danıal Ahmetov jergilikti quzyrly organdarǵa elordaǵa mańyzdy sharany tamashalaýǵa baratyn oblys turǵyndaryna jaıly jaǵdaı jasaýdy tapsyrǵan-dy. – Bul máselege erekshe kóńil bólgen jón. Máselen, aýdandardan Astanaǵa baratyn adamdardyń jol marshrýtyn oılastyryp, jospar jasaý qajet. Elordaǵa baryp, qonaq úılermen kelisim jasańyzdar. Biz úshin ony eshkim istemeıdi. Eń bastysy, kórmege baratyn oblys turǵyndaryna qalypty jaǵdaı jasalyp, qaýipsizdigi qamtamasyz etilýi kerek, – dedi oblys ákimi. Oblystyq ishki saıasat basqarmasynyń basshysy Erjan Sembınovtyń aıtýynsha, óńirde kórmeni aqparattandyrý baǵytynda birqatar sharalar qolǵa alynǵan. Arnaıy medıa-jospar ázirlengen. Qazirgi ýaqytta óskemendik stýdentterden 138 erikti jasaqtalyp, Astanada ótetin kórme kezinde shet eldik qonaqtarǵa qyzmet kórsetýge ázirlenip jatqan kórinedi.
Azamat QASYM,
«Egemen Qazaqstan» О́SKEMEN
