Qala jáne aýyl turǵyndary shaǵyn nesıe ala alady. Onyń somasy 3 mln teńgeden 18 mln teńgege deıin ulǵaıtylǵan. Merzimi burynǵysynsha 5 jyl bolyp qalýda jáne sońǵy tutynýshyǵa deıin jyldyq 6%-ben jetýi tıis. Bul týraly QR eńbek jáne halyqty áleýmettik qorǵaý mınıstri Tamara Dúısenova QR Úkimetinde ótken baspasóz konferensııasynda habarlady, dep jazady strategy2050.kz.
«Buryn «Jol kartasy» aıasynda biz aýyldardy ǵana qarjylandyryp, nesıelendirgen bolsaq, endi qalalarda da shaǵyn nesıeler beriletin bolady. Onyń somasy 3 mln teńgeden 18 mln teńgege deıin ulǵaıtylǵan. Merzimi burynǵysynsha 5 jyl bolyp qalýda jáne sońǵy tutynýshyǵa deıin jyldyq 6%-ben jetýi tıis. Iаǵnı eger adam óz bıznesin ashatyn bolsa, 18 mln teńgege deıin nesıe ala alady», - dedi T. Dúısenov.
Sondaı-aq, ol kepildik berý nesıe alýdaǵy jańa quralǵa aınalǵanyn atap ótti.
«Nesıe alýdyń taǵy bir múmkindigi kepildik alý, buryn bizde mundaı qural bolmaǵan. Eger adam alǵash ret óz isin ashatyn bolsa, oǵan alynatyn nesıe somasynyń 85%-y mólsherinde kepildik beriledi, al eger adam bıznespen aınalysyp júrse, onyń nesıe qunynyń 50 %-y kepildendirilýi múmkin», - dep atap ótti T. Dúısenova.
