Kásipkerler palatasy respýblıka boıynsha bıznes trenerler daıyndap jatyr

О́ńirlerde kásipkerlikti oqytatyn úzdik bıznes-trenerler legin daıyndaý naýqany bastaldy, dep jazady palata.kz. «Nátıjeli jumyspen qamtý jáne jappaı kásipkerlerdi damytýdyń» 2017-2021 jyldarǵa arnalǵan memlekettik baǵdarlamasyn júzege asyrý baǵytynda «Atameken» Ulttyq kásipkerler palatasynyń «Bastau Bıznes» oqý baǵdarlamasy oqytý naýqanyn ashyq dep jarııalady. Elimizdiń jetekshi joǵary oqý oryndarynyń biri – Qazaq gýmanıtarlyq zań ýnıversıteti bazasynda «Bastau Bıznes» oqý baǵdarlamasynyń jumys toby óńir-óńirde kásipkerliktiń negizin úıretetin trenerlerdiń tobyn jasaqtap, olarǵa arnalǵan júıeli nusqama sabaqtary júrgizilip jatyr. Jalpy oqý naýqany boıynsha daıyndyq jumystary bastaldy. «Atameken» Ulttyq kásipkerler palatasy Basqarma Tóraǵasynyń orynbasary Eldar Jumaǵazıev  úsh úlken aýdıtorııalarǵa jaıǵasqan trenerlerdi oqý bastalýymen quttyqtap, emtıhandar men irkiteýde sáttilik tiledi. «Men Aqtóbe oblysynan kelgen bıznes-trenermin. «Bastau Bıznes» Jańaózen óńirinde ótkende «Atamekenniń» bıznes-trenerleri bizge qundy semınarlar ótkizgen bolatyn. Halyqta jaqsy áser qaldy, kásipkerlikte saýattylyǵy artty. Bul alańda oqytýdyń ádisi tamasha. Endi atalmysh baǵdarlama respýblıkalyq aýqymda júzege aspaq. Demek, eldiń áleýeti, ekonomıkanyń damýy joǵarylaıdy. Jalpy «Bastau Bıznes» jobasy jaıynda aýyldaǵy halyqtyń pikiri jaqsy», – dedi Aqtóbe oblysynan kelgen bıznes-trener Erlan Dúısenbaev. 2017-2021 jyldar aralyǵynda búkil respýblıkany qamtıtyn oqý baǵdarlamasynyń trenerlerin daıyndaýǵa ekonomıka men bıznes salasynyń bilikti mamandary shoǵyrlandy. AQSh-tyń  Sırakýzy ýnıversıtetiniń túlegi, «Transtelekom» AQ Bıznes-qosymshalar boıynsha saraptama ortalyǵynyń  dırektory Kemel Aıtjanov,  London ekonomıka mektebiniń magıstri, kásipqoı trener Marat Raımhanov,   ADK PROJECT kompanııasynyń jetekshisi Ánýar Ahmetjanov, Qazaq gýmanıtarlyq zań ýnıversıtetiniń «Ekonomıka, menedjment ı týrızm» kafedrasynyń jetekshisi  Ashat Nametsha,  Korporatıvti damý men mansap ortalyǵynyń dırektory, «Bolashaq» túlegi   Krıstına Masalak, AQSh-tyń Golden Geıt Ýnıversıtetiniń túlegi Samat Panov, Service Quality Institute, John Tschohl ıntıtýty trener sertıfıkatynyń ıegeri Danııar Mahkambaev, AQSh-tyń Indıana ýnıversıtetiniń túlegi Altaı Ábdikerimov, QR kásipqoı býhgaltery Álııa Moldasheva, Gúlbarshyn Qaıdarova, Shveısarııanyń UBIS ýnıversıtetiniń túlegi Maksım Krýshınskıı syndy óz isiniń maıtalmandary sabaq beretin bolady. Trenerlerge taım menedjment, stress menedjment, ınnovasııalyq menedjment, jobalyq menedjment, sheshendik óner, marketıng, bıznes negizderi, quqyqtyq, qarjylyq aspektiler, býhgalterlik esep jáne t.b. salalar boıynsha tıimdiligi joǵary semınarlar júrgiziledi. «Bastau Bıznes» jobasy ne úshin kerek? Búginde kóptegen jobalar júzege asyrylyp jatyr, túrli trenerler de óte kóp. Olardyń biliktiligi qandaı, dárejesi qandaı, jalpy trener me ózi tekserý kerek. Al «Atameken» UKP osy baǵytta naqty iske kiristi. Bıznes boıynsha iri salanyń maıtalmandaryn bir ortaǵa jınap, bilim men biliktiliktiń tamasha alańyn uıymdastyryp, tegin semınarlardy ótkizip jatyr. Ońtústik Qazaqstannan 19 trener keldi, Bastau Bıznes usynǵan oqý baǵdarlamasy júıeli, kóńilden shyǵyp jatyr.Barlyq uıymdastyrýshylarǵa alǵysymyz sheksiz, – dedi jobaǵa qatysýshy, Ońtústik Qazaqstan oblysynyń treneri Amangeldi Jarylqaǵan. Joba boıynsha  130-dan astam trenerler biliktilikten ótip jatyr. Eki kún ótken soń trenerler ishinen 100 adam iriktelip, onyń 80-ni óńirlerde oqytýdy júrgizedi, 20 terener rezervte turatyn bolady. «Ádette eń myqty bıznes-trenerler iri bıznes sektorynda eńbektenedi, olardyń  qyzmeti shaǵyn bızneske qoljetimsiz. О́ıtkeni shaǵyn bıznestiń naǵyz trenerlerdi jaldaıtyndaı jaǵdaıy joq. Sondyqtan, memleket qoldaýy men  «Bastau Bıznes» baǵdarlamasy óńir-óńirdiń trenerlerine sheteldik praktıkasy bar eń myqty kásipqolardyń semınarlaryna qatysýǵa, ózge áriptestermen tájirıbe almasýǵa múmkindik syılady. Memleket pen «Atameken» kásipkerliktiń jónin biletin azamattardy biriktirip, mega-jobany qolǵa aldy, meniń oıymsha bul bastamanyń keleshegi ǵalamat», – dedi oqýǵa qatysýshy Pavlodar oblysynyń bıznes-treneri Dıaz Shormanov.