Boksshy Fırýza Sháripovanyń aıqasy jaraqatyna baılanysty keıinge shegerildi

Qazaqstandyq kásipqoı boksshy Fırýza Sháripovanyń kelesi jekpe-jegi jaraqatyna baılanysty keıinge shegerildi. Bul týraly onyń menedjeri Sergeı Zavıleıskıı málimdedi, dep habarlady allfight.ru. «О́zderińiz biletindeı, Fırýzanyń kelesi aıqasyn 1 sáýirge josparlaǵan edik. Biraq ótken kezdesýiniń aldynda alyp qalǵan jaraqatynyń saldarynan bul josparymyzdy júzege asyra almaıyn dep turmyz. Sháripovanyń emdelýine biraz ýaqyt qajet eken. Iýlııa Chernoborodovaǵa qarsy kezdesýinen keıin medısınalyq tekseristen ótti. Qazirgi ýaqytta densaýlyǵyna qaýip kelerlikteı eshnárse joq, ota jasalmaıtyn boldy. Biraq aqhalattylar bizge 21 kún boıy judyryqtaspaýdy, ıaǵnı sparrıng ótkizbeýdi keńes etti. Al mundaı jaǵdaıda jekpe-jekke tolyqtaı daıyn bolý múmkin emes. Sondyqtan Fırýza sharshy alańǵa 22 sáýirden keıin oralady. Naqty kúnin áli de talqylaýymyz qajet», – dedi Sergeı Zavıleıskıı. «Qazirgi ýaqytta em qabyldap júrip, deńgeıin saqtaý úshin jattyǵý jumystaryn da ótkizip jatyr. Al sparrıngke tolyq jazylǵannan keıin baryp oralamyz. Kelesi rette Sháripovany budan da jaqsy kúıde kóremiz dep senemin», – dedi menedjeri. Aıta keteıik, 4 naýryz kúni Balashıha jerinde Fırýza Sháripova reseılik Iýlııa Chernoborodovamen kúsh synasyp, tóreshilerdiń biraýyz sheshimimen jeńiske jetken bolatyn. Bul aıqasynyń aldynda ol sparrıng jattyǵý kezinde qarsylasymen soqtyǵysyp qalyp, murnyn jaraqattaǵan kúıi shyqqan. Qazaqstandyq boksshynyń komandasy endigi tıtýldy jekpe-jek ótkizýdi josparlap otyr.