«Barystyń» iri eseppen jeńilýine ne sebep boldy?

Hokkeıden Qazaqstannyń memlekettik jattyqtyrýshysy Vladımır Pashkovskıı «Barystyń» «Metallýrgke» qarsy matchta nátıjeli oıyn kórsete almaýyna ne sebep bolǵanyn málimdedi. Bul týraly vesti.kz habarlady. «Metallýrg» – sózsiz myqty komanda. Ujym bilikti oıynshylarmen tolyqqan. Árıne, bizdiń komanda da osal emes. «Shyǵys» konferensııasyn besinshi orynmen aıaqtap, pleı-off kezeńine shyqty», – dedi Pashkovskıı. Onyń aıtýynsha, astanalyqtar úsh kezeńde de teń dárejede qarsylasa bilgen. Biraq bir ereksheligi – aıdyn ıeleri óz múmkindikterin tıimdi paıdalanǵan. «Komandaǵa azdap senimdilik jetispedi. Shabýylǵa shyqqanda jigitterdiń kózderi jalyn atyp turýy qajet. Biraq «Barystan» ol baıqalmady. Saldarynan «Metallýrg» basymdyǵyn kórsetti. Astanalyqtardyń oıyndaryna taldaý jasaý qıyn, turaqtylyq joq. Máselen, «Traktormen» ótkende oıyndarda syrt aıdynda jeńiske jetse, óz jankúıerleriniń aldynda kútpegen jerden ese jiberip jatty. Munyń syry nede? Buǵan tek qana bapkerleri ǵana jóndi jaýap bere alady dep oılaımyn», – dedi memlekettik jattyqtyrýshy. Aıta keteıik, «Barys» Gagarın Kýbogynyń jartylaı fınalynyń serııaly kezdesýinde Magnıtogorskide «Metallýrg» ujymynan 0:4 esebimen jeńilgen bolatyn.