Ilon Mask Ońtústik Avstralııany 100 kúnde energııamen qamtamasyz etýge ýáde etti

Tesla jáne SpaceX basshysy Ilon Mask Ońtústik Avstralııanyń jergilikti bıligine aımaqtaǵy energııamen qamtý máselesin sheship beretin boldy. Eger atalǵan ýaqytta úlgermese, tegin isteýge ýáde berdi, dep jazady kapital.kz. Esterińizge sala keteıik, ótken jyldyń kúzinde Ońtústik Avstralııa daýyldyń kesirinen energııa qýatynsyz qalǵan edi. Nátıjesinde Adelaıda aımaǵynda temir jol men metro toqtap, áýe reısteri men avtokólik qozǵalysy shektelgen bolatyn. Kóptegen azamattar jedelsatyǵa qamalyp qalǵan. Ispanııadan eki ese úlken aımaqtyń energııa qýatynsyz qalýyna sebep bolǵan qatty daýyldyń turýy bolǵan. Aıta keteıik, bul aımaq energııa kóziniń 40 paıyzyn jel qýatynan alyp otyrǵan edi. Saǵatyna 140 km jyldamdyqpen soqqan daýyldan jel generatorlaryn toqtatýǵa májbúr bolǵan edi. Qazirgi tańda jergilikti bılik máseleni áli de sheshe almaı otyr. Energııa kóziniń toqtaýy eldegi energııa qunyna da áser etkeni anyq. Eldiń energııa máselesin sheshýmen SolarCity kompanııasy aınalysady. Bul kompanııany Ilon Mask óziniń dosy Lındon Rıvpen birlesip qurǵan. SolarCity taıaýda TeslaMotors kompanııasymen birlesti. Rıvtiń aıtýynsha, atalǵan kompanııa 100−300 megavatt/saǵattyq batereıalar ornalastyrady. Sonymen qatar, bul jobany 100 kún ishinde bitirýge ýáde etip otyr. Eger osy ýaqyt aralyǵynda úlgermese, shyǵyndy Mask óz qaltasynan tóleýge daıyn.