Qytaılyq ánshiler Dımashqa qoldaý kórsetti (vıdeo)

Qytaılyq ánshiler tamaǵy aýyryp qalǵan Dımash Qudaıbergenge qoldaý kórsetti, dep habarlaıdy QazAqparat «Singer 2017» baıqaýynyń segizinshi kezeńi keshe efırden kórsetilgen bolatyn. Otandasymyz tamaǵynyń aýyrǵanyna qarastan sátti óner kórsetip, qytaı tilindegi «Tań atty» ánimen besinshi oryndy ıelendi. Aıta keterligi, tumaýratyp tamaǵy aýyryp qalǵan Dımashqa joǵary deńgeıde oryndaýdy talap etetin «Tań atty» ánin oryndaý ońaıǵa soqpaǵan. Jarys jolynan shyǵyp qalmaý úshin Dımash tamaǵyna eki ret aýrýdy basatyn dári egip sahnaǵa shyqqan. Dımashtyń aýyrǵanyn estigen «Tań atty» ániniń avtory, qytaıdyń tanymal ánshisi ári «Singer» baıqaýy úshinshi maýsymynyń jeńimpazy Han Hýn Dımashqa habarlasyp óz keńesterin aıtqan. Al jetinshi kezeńde qatarǵa qosylǵan qytaı estradasynyń juldyzy Lı Szıan Dımashqa baǵaly dári shópten jasalǵan jótelge jáne tamaqtyń aýyrýyna qarsy dárini ákelip berip, qoldaý kórsetti. Barlyq qatysýshylar Dımashtyń tez jazylyp ketýine tilektestik bildirip, qoldaýlaryn bildirgen. Dımash óz kezeginde barlyǵyna alǵys aıtyp, osy qoldaýdyń arqasynda qıyndyqtardy jeńgenin jetkizdi. Eske sala keteıik, Dımash jetinshi kezeńde «Daıdıdaý» ánimen úshinshi, segizinshi kezeńde qytaısha «Tań atty» ánimen besinshi oryndy ıelenip, tórtinshi aınalymnyń qortyndysy boıynsha besinshi bolyp kelesi kezeńge ótken. Toǵyzynshy kezeńde otandasymyz «All by Myself» ánin shyrqap ekinshi orynnan kórindi.