Otandyq ónimderdiń pavılony ashyldy

Astana qalasyndaǵy «Festival Avenue» ǵı­ma­ra­tynda qazaqstandyq taýarlar pavılo­ny ashyldy. EKSPO-2017 halyqaralyq mamandandyrylǵan kórmesine oraı tanystyrylǵan saýda núktesin «Halyq markasy» federasııasy men Eýrazııalyq iskerlik odaǵy uıymdastyrǵan. Saltanatty jaǵdaıda kópshilik nazaryna usynylǵan pavılon­da úzdik dep tanylǵan júz shaqty otandyq taýar óndirýshiniń ónimderi qoıylady. «Bizdiń bar maqsatymyz ózimizdiń taýar óndirýshilerge qoldaý kórsetý bolyp tabylady. Qazirgi tańda pavılonǵa jıyrmadan astam brend óz ónimderin usynyp otyr. Al EKSPO-2017 halyqaralyq kórmesine deıin jalpy úzdik 100 brend óz ónimin kórsetedi dep josparlaýdamyz. Kópshilik nazaryna usynylǵan taýarlardyń áleýeti joǵary, eksportqa baǵyttalǵan», deıdi federasııa prezıdenti Rımma Tájibaeva. Onyń aıtýynsha, tańdalǵan kompanııalarǵa óz jumystaryn odan ári belsendi júrgizýge barlyq jaǵdaı jasalǵan. Olar osynda óz ónimin qoıý úshin bir jylǵa bar-joǵy 300 myń teńge tóleıdi. Bul qarjy tıisti qyzmet kórsetetin azamattarǵa beriletin kórinedi. Iаǵnı, árbir kásipkerden túsken qarajat satýshyǵa, qaýipsizdik qyzmetine tólenedi. Sharany uıymdastyrýshylar pavılonǵa qoıylǵan otandyq ónimderge sheteldik qonaqtar tarapynan suranys joǵary bolatyndyǵyna senimdi. «Astana ákimdigi elimiz úshin mańyzdy kórmeniń týrıstik kartasyn jasaǵan ýaqytta biz ótinishimizdi bildirdik. Bul núkte de halyqaralyq kórmeniń týrıstik kartasyna kirdi. Sondyqtan sheteldik qonaqtar osy aýmaqqa da at basyn burady. Sebebi, munda qazaqtyń ulttyq ónimderi men taǵamdary jáne sapaly taýarlar qoıylady», dedi Rımma Tájibaeva. Pavılonǵa ónimin qoıǵan kásipkerlerdiń biri – «Jarylqasym» sharýa qojalyǵynyń dırektory Naǵıma Jarylqasymova. Zeınetke shyqqan ustaz jańa tehnologııa arqyly qurttyń bes túrin jasaǵan. «Munda tabıǵı ónimderden – qyzylsha, qymyzdyq, asqabaq, jańǵaq jáne irimshikten jasalǵan qurt túrlerin ákeldim. О́nimderimdi endi ǵana patenttedim. EKSPO-2017 kórmesi kezinde óz ónimimdi, ıaǵnı qazaqtyń ulttyq taǵamyn brendke aınaldyrǵym keledi. Sebebi, bul ata-babamyzdan kele jatqan asyl mura», deıdi ol. Saýda ornynda budan bólek, «О́mir Art Stýdıo» JShS-niń buıymdary, Aıda Qaýmenovanyń ulttyq kıimderi, «Dýdaraı» JShS-niń kondıterlik ónimderi, «Balaýsanyń» áshekeı buıymdary qoıylǵan. Ashat RAIQUL, «Egemen Qazaqstan»