Memleket úshin mańyzdy qadam

Almatydaǵy Dostyq úıinde Qazaqstan halqy Assambleıasynyń konstıtýsııalyq reformany qoldaýǵa arnalǵan jumys otyrysy ótti. Sharaǵa Qazaqstan halqy Assambleıasy Tóraǵasynyń orynbasary – Hatshylyq meńgerýshisi Eraly Toǵjanov, QHA Tóraǵasynyń orynbasary Leonıd Pıto­lenko, QHA Keńesiniń músheleri, respýblıkalyq etnomádenı birlestikterdiń belsendileri, QHA Ǵylymı-saraptamalyq keńesi men zııaly qaýym ókilderi, QHA-nyń ózge de qurylymdarynyń basshylary qatysty. Elbasy bastap, el qostap, bir aıdan asa ýaqyt kóleminde keńinen talqylanǵan jańa reforma el damýyna bastaıtyn ta­rı­hı mańyzdy qýatty qujat ekenin kór­setti. Elimizdiń túkpir-túkpirinde qyzý talqylanǵan jańa ózgerister bútin bir mem­lekettiń tamyryna qan júgirtip, bolashaǵyn aıqyndaıtyn tyń serpin dep baǵalandy. Basqosýdy ashyp bergen QHA Tóraǵasynyń orynbasary – Hatshylyq meńgerýshisi Eraly Toǵjanov jańa reformaǵa baılanysty túsken 6 myńnan astam usynysty jan-jaqty qarastyra kelip, onyń ishinde 19 bapqa 26 túzetý engizilgenin aıtty. – Elbasy Nursultan Ábishuly Nazarbaevtyń memlekettik bılik tarmaq­tarynyń arasynda ókilettikterdi qaıta bólý týraly bastamasymen júrgizilgen kons­tıtýsııalyq reforma óz máresine kelip jetti. Konstıtýsııalyq reformalardy talqylaýǵa Qazaqstan halqy Assambleıasynyń barlyq qurylymdary, etnomádenı birlestikter belsendi túrde qatysty. Prezıdenttik reformany talqylaýǵa el azamattarynyń bel­sendi qatysýy azamattyq qoǵamnyń da­mýyn, memleket ómiriniń mańyzdy máseleleri boıynsha qoǵamdaǵy kelisim men aýyzbirshilikti kórsetti. Biz Parlament pala­talarynyń birlesken otyrysyndaǵy Kons­tıtýsııaǵa ózgerister engizý týraly zań jobasynyń qyzý talqylanǵanyna kýá bol­dyq. Búgingi kún elimizdiń tarıhyndaǵy mańyzdy sát bolyp qalatyny sózsiz. Elba­symyz Konstıtýsııalyq Keńestiń oń qory­tyndysynan keıin Ata Zańǵa ózgerister men tolyqtyrýlar engizý týraly Konstıtýsııalyq zańǵa qol qoıdy. Konstıtýsııalyq reformalar, birin­shiden, Táýelsizdiktiń negizderin nyǵaı­týǵa; ekinshiden, demokratııany ári qaraı ilgeriletýge; úshinshiden, qýatty quqyqtyq memleket qurýdy jalǵastyrýǵa baǵyttalǵan. Osy maqsatta memlekettik bılik organ­darynyń arasyndaǵy ókilettikter qaıta bólinip, adam jáne azamattardyń quqyqtary men bostandyqtaryn qorǵaý mehanızmderi, sot júıesi men prokýratýra organdary jetildirildi, – dedi E.Toǵjanov óziniń só­zinde. – El ómiri úshin óte mańyzdy refor­malardy talqylaý maqsatynda talaı márte jıyndar ótkizdik. Reformaǵa kel­ti­rilgen ózgeristerdiń mańyzdylyǵy men ózektiligine toqtaldyq. Azamattardyń oı-pikirin bilip, usynystaryn jan-jaqty zer­delep, ortaǵa saldyq. Osy oraıda, mem­lekettik mańyzy bar usynylǵan jańa refor­many talqylaýǵa qatysyp, oılaryn ashyq bildirýine qarap, zııaly qaýym ókilderi ǵana emes, elimizdiń árbir azama­tynyń el bolashaǵyna beı-jaı qaraı almaı­tynyn ańǵardyq. Elbasy usynǵan jańa bastama aldaǵy ýaqytta jemisin berip, zań shy­ǵarýshy bılik – Parlamenttiń, Úkimettiń róli men jaýapkershiligin arttyrý arqyly halqy­myzdyń birligi men kelisimin nyǵaı­týǵa baǵyttalǵan Qazaqstandaǵy demokra­tııalyq úderisterdi jalǵastyrýǵa tyń serpin beretinine senimimiz mol, – dedi QHA Tór­aǵa­synyń orynbasary Leonıd Pıtolenko. Bizge berilgen aqparat boıynsha, Elbasy usynǵan jańa reformalardy talqylaý barysynda Assambleıanyń 400-den asa is-sharasy ótkizilgen kórinedi. Buqaralyq aqparat quraldarynda, áleýmettik jelilerde Assambleıa músheleriniń, sarapshylary men blogerleriniń, etnomádenı birlestikter jetekshileriniń 200-den asa pikiri jaryq kórdi. Jıynǵa qatysqan sarapshylar men etnomádenı birlestikterdiń belsendileri de óz oılaryn ortaǵa salyp, eldigimizdi qýattaıtyn jańa bastama memleket ıgiligine qyzmet jasaıtyn mańyzdy qadam ekenin aıtty. Arman OKTIаBR, jýrnalıst ALMATY