Saıası máni erekshe

Dostyq úıinde oblystyq Qazaqstan halqy Assambleıasy mú­she­leriniń, etnomádenı birlestikter jetekshileriniń, ǵylymı-saraptamalyq keńes, jastar jáne zııaly qaýym ókilderiniń qatysýymen is-shara ótti. Ol konstıtýsııalyq reformalardy qoldaý biryńǵaı kún aıasynda uıymdastyrylyp, jańǵyrý jolyndaǵy irgeli qadamdar áńgime arqaýyna aınaldy. Oblystyq QHA-nyń hat­shy­lyq meńgerýshisi Naıl Salımov «Konstıtýsııalyq reformalar jáne oblystyq Qazaqstan halqy Assambleıasynyń damý baǵyttary» degen taqy­ryp­ta baıandama jasady. Sheshen óz sózinde Qazaqstan Res­pýb­lıkasynyń Konstıtýsııasyna engi­zilgen ózgerister men tolyq­ty­rýlar el damýynyń jańa para­ǵyna jol ashatynyn, demokra­tııalyq úderister qoǵamymyzdy biriktire túsetinin, memlekettik bıliktiń jańa úlgilerin qa­lyptastyratynyn jetkizdi. Prezıdent eldi saıası jań­ǵyr­týdyń búgingideı mańyz­dy kezeńinde Úkimet pen Par­­la­ment­tiń róli men derbes­tigin kú­sheıtýge erekshe nazar aýdardy. Osy oraıda, pre­zı­dent­tik basqarý formasy saqtala otyryp, sonymen birge, bıliktiń basqa tarmaqtarynyń ókilet­tikteri artyp, kásibıligi ny­ǵaıatynyn atap ótken jón. Qa­zirdiń ózinde jurtshylyq zań shyǵarýshy jáne atqarý­shy organdarǵa úlken senim bil­dirip, qoǵamdy demokratııalan­dy­rý­dyń mańyzdy kezeńine bet alǵa­nymyzdy qýattap otyr, dedi ol. Oblystyq máslıhattyń de­pýtaty Rashbıl Evdaev jergi­likti memlekettik basqarý, oǵan qatysýǵa halyq qalaýlylary men turǵyndardyń belsendiligin arttyrý jaıyn sóz etti. Zańdar arqyly bılik tarmaqtary men olardyń deńgeıleri arasyndaǵy ókilettikterdi barynsha tıimdi etip, qaıta bólemiz. Osynyń bári jahandyq jáne óńirlik syn-qaterlerge ýaqtyly jaý­ap berip, aldyn alý úshin ja­salǵan degen Elbasy sózin kel­tire otyryp, jınalǵandardy saıa­sı jańǵyrtýlardyń bel ortasynan kórinýge shaqyrdy. «Urpaq» qoǵamdyq uıy­my­nyń tóraıymy Gúlbaqsha Musabaeva, «Barbang» kúrd qaýym­­dastyǵy jergilikti bó­lim­shesiniń jetekshisi Rashıd Nadırov «Bereke basy – bir­likte» degen halyq danalyǵyn eske túsire otyryp, biregeı ıns­tı­týt deńgeıine kóterilgen Qa­zaq­stan halqy Assambleıasynyń etnosaralyq jáne konfes­sııa­aralyq kelisimniń basty tetigi retindegi róli men mańy­zyn atap kór­setti. Onyń qazaqstandyqtardy beıbitshilik pen kelisimge úndeý­degi, toleranttylyqty qalyp­tas­tyrýdaǵy orny erekshe. Bú­­gin­gi kúnniń kúrdeli másele­le­rine batyl aralasyp, konstı­tý­sııalyq zań sheńberinde san-sa­laly jumystar atqaryp ke­ledi. Elbasy usynǵan konstı­tý­sııalyq reformalardy jan-jaqty qoldap, saıası ózgeristerdi qýattaıdy. О́zge de sóıleýshiler usy­nyl­­ǵan konstıtýsııalyq refor­ma­lardyń jalpyhalyqtyq qol­daýǵa ıe bolǵanyna erekshe ekpin túsirdi. О́mir ESQALI, «Egemen Qazaqstan» Soltústik Qazaqstan oblysy