Astana prosesiniń mańyzy ataldy

Qazaqstan delegasııasy BUU Qaýipsizdik Keńesiniń Sırııadaǵy ahýaldy saıası retteý máseleleri jónindegi otyrysyna qatysty. Qaýipsizdik Keńesiniń jıynynda BUU Bas hatshysynyń Sırııa jónindegi arnaýly elshisi Staffan de Mıstýra brıfıng ótkizdi. Bul týraly elimizdiń Syrtqy ister mınıstrliginiń baspasóz qyzmeti habarlady. Qaýipsizdik Keńesiniń músheleri Sırııa Arab Respýblıkasynyń ege­men­digin, táýelsizdigi men aýmaqtyq tutas­tyǵyn qoldaıtynyn bildirdi. Olar daǵdarysty sheshýdiń jalǵyz ári or­nyqty joly 2012 jyldyń 30 maýsy­mynda shyǵarylǵan, Qaýipsizdik Keńe­siniń tıisti qararymen jáne Sırııa­ny qoldaý halyqaralyq qory­nyń málimdemesimen maquldanǵan Jene­va kommıýnıkesi negizindegi sırııalyq­tardyń ózderiniń aýqymdy saıası prosesi dep sanaıdy. Otyrysqa qatysýshylar BUU aıa­synda Jenevada bıylǵy jyldyń 3 naý­ryzynda ótken Sırııanyń ishki kelis­sózderiniń úshinshi raýndyna, Staffan de Mıstýranyń BUU QK 2254 qararyna sáıkes bolashaq kelissózderdiń kún tártibi týraly habarlamasyna joǵary baǵa berdi. Qaýipsizdik Keńesiniń músheleri aıt­qandaı, Astana prosesiniń aıa­syn­da qol jetkizilgen atysty toqtatý rejiminiń arqasynda saıası kelissóz­der­di jal­ǵas­tyrýǵa múmkindik týdy. Olar Sırııa daǵ­darysyna qatysty tarap­tardy osy rejimdi tolyqtaı saqt­aýǵa jáne BUU QK qarary men 2016 jyl­ǵy 29 jeltoq­sandaǵy kelisimderge sáı­kes, eldi meken­derge gýmanıtarlyq kó­mek­ter jetki­zýdi qamtamasyz etýge shaqyr­dy. BUU arnaýly ókili S. de Mıstýra Sı­rııa daǵdarysyn sheshýdiń beıbit jol­daryn izdeýdegi Astana prosesiniń rólin aıryqsha atap ótti. Onyń piki­rin­she, Jeneva kelissózderiniń kezekti raýn­dynan keıin Astananyń Sırııa daǵ­darysyn sheshý máselesindegi róli arta túsedi. – Astana prosesi BUU aıasynda Sı­rııada beıbitshilik arhıtektýrasyn qa­lyptastyrýdyń ajyramas bóligine aınaldy, – dedi S. de Mıstýra. О́z kezeginde, qazaqstandyq dele­gasııa BUU delegasııasy basshysynyń Sırııa máselelerine qatysty dıplo­matııalyq kúsh-jigerin joǵary baǵa­lady. Jeneva kelissózderiniń arqa­synda taraptar naqty kún tártibin qalyp­tastyrdy, endi barlyq taraptar qolda­ǵan saıası reformalar týraly keli­simdi júzege asyrýǵa tıis. Jýyr­da Astana men Jene­vada ótken kezde­sýler alty jyldan beri túıini tarqa­tylmaǵan Sırııa daǵ­da­rysyn sheshýge, taraptardyń túsinis­tikke kelýine, ózara únqatysýlar men kelis­sózderdiń arqasynda kózqarastar qaıshylyǵyn joıýǵa yqpal etedi degen úmit basym. Qazaqstan delegasııasy Sırııanyń bir­tutastyǵyn, táýelsizdigin jáne egemen­digin qurmetteý qaǵıdalaryna negiz­del­gen Jeneva prosesine tolyq­taı qoldaý tanytty. Sonymen qatar, halyq­aralyq qoǵamdastyqtyń terrorızmmen jáne ekstremızmmen kúrestegi birligin nyǵaıtýdyń mańyzdylyǵyna nazar aýdardy. Qazaqstan Prezıdentiniń 2015 jylǵy qyrkúıekte BUU Bas Assam­bleıa­synyń 70-sessııasynyń minberinen aıtylǵan jahandyq terrorızmge qarsy koalısııa qurý týraly bastamasynyń mańyzdylyǵy erekshe atap kórsetildi.