Aýǵanstan prezıdentiniń qoldaýy

Aýǵanstan prezıdenti Mohammad Ashraf Ǵanı Qazaqstanda júrgizilip jatqan saıası reformalarǵa qoldaý bildirdi. Bul týraly elimizdiń syrtqy saıasat vedomstvosynyń baspasóz qyzmeti habarlady. Jýyrda Qazaqstannyń Aýǵanstan­daǵy Tótenshe jáne ókiletti elshisi О́mir­taı Bitimov Aýǵanstan Islam Res­pýb­lıkasynyń prezıdenti Mohammad Ashraf Ǵanımen kezdesti. Kezdesý barysynda qazaqstandyq dıplomat Aýǵanstan prezıdentine «Qazaqstan Respýblıkasynyń Táýelsizdigine – 25 jyl» mereıtoılyq medalin tapsyrdy. Sonymen qatar, ol Mohammed Ashraf Ǵanıge Shanhaı yntymaqtastyq uıymynyń sammıtine jáne Islam yntymaqtastyǵy uıymynyń Astanada ótetin ǵylym jáne tehnologııalar jó­nin­degi sammıtine shaqyrýdy tabys etti. О́mirtaı Bitimov Aýǵanstan prezı­dentin Qazaqstandaǵy mańyzdy saıası-ekonomıkalyq úderistermen jáne Memleket basshysynyń bastamasymen qolǵa alynǵan basqa da basymdyqtarmen tanystyrdy. Sondaı-aq, Elbasynyń halyqqa arnaǵan «Qazaqstannyń Úshinshi jańǵyrýy: jahandyq básekege qabilettilik» atty Joldaýy týraly da jan-jaqty áńgime qozǵady. О́z kezeginde A.Ǵanı Qazaqstan Pre­zı­dentine qurmetti marapaty úshin alǵysyn bildirdi. Ol «Qazaqstan Kósh­bas­shysynyń memlekettik basqarý refor­masyna qatysty alysty kózdegen, qazaqs­tandyq qoǵam ınstıtýttarynyń odan ári damýyna yqpal etetin jos­parlaryn» Aýǵanstannyń joǵa­ry baǵa­laıtynyn, ony árdaıym qoldaı­tynyn jetkizdi. Qazaqstan elshisi men Aýǵanstan prezıdenti ekijaqty yntymaqtastyqty odan ári damytýdyń ózekti máselelerin, atap aıtqanda, saýda-sattyq sala­syn­daǵy máselelerdi, Qazaqstannyń astyǵyn, Aýǵanstannyń kókónisi men jemis-jıdegin eki jaqqa tasymaldaý barysyn, temir jol tasymalyn damytý joldaryn, eki el arasyndaǵy taýar aınalymynyń kólemin ulǵaıtýdyń jaı-kúıin talqylady.