Halyqaralyq olımpıada komıtetiniń basshysymen kezdesti

Shveısarııanyń Lozanna qalasynda Qazaqstan Respýblıkasy Ulttyq Olımpıada komıtetiniń basshysy Tımýr Qulybaev Halyqaralyq Olımpıada komıtetiniń prezıdenti Tomas Bahpen kezdesti. Halyqaralyq Olımpıada komıtetiniń shtab-páterinde ótken eki jaqty kezdesý barysynda Tımýr Qulybaev bıyl qurylǵanyna 25 jyl bolatyn Ulttyq Olımpıada komıtetiniń tarıhy men búgingi tynys-tirshiligi jáne bolashaqtaǵy jos­parlary týraly aıtyp berdi. Sondaı-aq, ol Qazaqstan Respýblıkasyndaǵy sport jáne dene shynyqtyrý týraly zańnamaǵa ózgertýler men tolyqtyrýlar engizýdi kózdeıtin jańa zań jobasy jaıyna da toqtaldy. Kezdesý barysynda álemdik olımpııalyq qozǵalystyń ma­ńyzdy suraqtary talqylanyp, dopıngpen kúres jáne «taza sportshylardy» qorǵaý máse­lesine basa nazar aýdaryldy. О́z kezeginde Tomas Bah federasııalar sportty damytýdaǵy negizgi ilgeriletýshi kúsh ekenin atap ótip, qazaqstandyq Olım­pıada komıtetiniń Ulttyq fede­rasııalardyń rólin nyǵaı­týǵa baǵyttalǵan josparlaryna qoldaý bildirdi. Sonymen qatar, HOK prezıdenti Qazaqstannyń dopıngpen kúres jolynda qolǵa alyp jatqan sharalaryna joǵary baǵa berip, eldiń ustanǵan «nóldik tózimdilik» pozısııasy álemdik antıdopıng júıesiniń ajyramas bóligi ekenin atap ótti. Sonymen qatar, Tomas Bah qazaqstandyq sport­shylardyń Almatydaǵy HHVIII Dú­nıejú­zilik qysqy Ýnıversıada jáne Sapporodaǵy VIII qysqy Azııa oıyndarynda kórsetken nátı­jelerine de joǵary baǵa berdi. Kezdesý sońynda Tımýr Quly­­baev Ulttyq Olımpıada komıte­tiniń 25 jyldyq mereı­toıǵa arnalǵan daıyndyǵy týraly aıtyp berdi. Saltanatty shara naýryzdyń 17-si kúni Astana qalasynda ótedi. Qaırat ÁBILDINOV, «Egemen Qazaqstan»