Jármeńkeler qaıta jandandy

Endi oblys ortalyǵy О́skemen men Semeıde ár aptanyń senbisinde jármeńke uıymdastyrylyp, aımaqtyń aýdandaryndaǵy sharýa qojalyqtary et, sút ónimderin qyzylsyrap júrgen qalalyqtarǵa arzan baǵada saýdalaıtyn bolady. Qyzylsyrap dep bekerge aıtyp otyrǵan joq­­pyz, qalanyń bazar­la­ryndaǵy ettiń baǵasy ý­daı bolǵandyqtan, sha­har turǵyndary quny qal­ta­syna qolaıly ári qyr­dan jetkizilgen taza ónim­di pyshaq ústinen talap áke­te­ti­nin kórip júrmiz. «Eń bastysy, bul jer­degi ónimderdiń bazar­daǵydan 15-20 paıyzǵa arzan bolatyndyǵyn, jár­­meń­keniń apta saıyn ótetinin el bilýi kerek. Bul jármeńke dál ýaqytynda ári joǵary deńgeıde uı­ym­­­­dastyrylyp otyr j­á­ne aýylsharýashylyq óni­m­- derine baǵanyń ósýine aıtarlyqtaı tosqaýyl bolady dep sanaımyn», degen edi oblys ákimi Danıal Ahmetov Ulan aýdanynyń jármeńkesin aralaǵan kezde. Jaqynda Tarbaǵataı aýdanynyń sharýalary ós­kemendikterge óz óni­m­derin usyndy. Jár­meń­kede sıyr eti – 1200, jylqy eti – 1300, qoı eti – 1100 teńgeden saýdalandy. Jármeńkege aýdandaǵy barlyq sharýa qojalyqtary jumyldyryldy. Barlyq aýyldyq okrýgterden 6 tonna iri qara, 2 tonna jylqy jáne 4 tonnaǵa jýyq qoı eti men ózge de ónimderdi ákeldik. Baǵa qoljetimdi, halyq rıza­shylyǵyn bildirip jatyr, deıdi Tarbaǵataı aýdany ákiminiń orynbasary Qaırat Maýadınov. Qala turǵyndary bul kúni et, sút ónimderin satyp alyp qana qoıǵan joq, jármeńkeniń ja­nyn­daǵy sahnadan aýdan ónerpazdarynyń kon­serttik baǵdarlamasyn tamashalap, arnaıy ázir­len­gen dastarqannan, aq­sýat­tyq Manap apanyń býy bur­qyraǵan Naýryz kóje­si­­nen dám tatty. Buryn Tar­baǵataıda eńbek etken, bú­ginde qalada turatyn qarııalar da jármeńkege kelip, jerlesterin kórip qaý­qyldasyp, arqa-jarqa bolyp jatty. – Jýannyń jińishkerip, jińishkeniń úziler shaǵynda jármeńkeniń qaıtadan uıym­dastyrylyp jatqany jaq­sy boldy. Bul eń áýeli qarapaıym halyqqa qajet dú­nıe. Bazarǵa barsań, atań­nyń qunyn suraıdy. Bú­gin, mine, qapshyǵymdy Bar­qytbeldiń baýraıynan ákelingen mal etine qaıys­tyra toltyryp qaı­typ baramyn, deıdi qala turǵyny, zeınetker Álim­han Ábdihalyqov. Azamat QASYM, «Egemen Qazaqstan» О́SKEMEN Sýretti túsirgen Ǵylymbek SÁBITOV