Jekelegen ýnıversıtetter stýdentterdi kásipkerlikke mashyqtaıdy.
«Atameken» Ulttyq kásipkerler palatasynyń bastamasymen Qazaqstannyń bilim keńistiginde kásipkerlikke oqytatyn joǵary oqý oryndaryn qurý taqyrybynda alqaly otyrys ótkizildi.
Bilim men bıznesti baılanystyratyn jańa baǵyttyń qalyptasýyna arnalǵan jıyn «Atameken» UKP Basqarma Tóraǵasynyń orynbasary Eldar Jumaǵazıevtiń basshylyǵymen ótti. Atalǵan jıynǵa AlmaU kásipkerlik ýnıversıtetiniń prezıdenti Asylbek Qojahmetov, QR Bilim jáne ǵylym mınıstrliginiń Joǵary jáne joǵary oqý ornynan keıingi bilim departamentiniń dırektory Darhan Ahmed-Zakı, QR Paralamenti Májilis depýtaty Irına Smırnova, sondaı-aq, respýblıkanyń ekonomıka, ınnovasııa, tehnıka, agrokeshen salalarynda qyzmet etetin 17 joǵary oqý ornynyń basshylyǵy qatysty.
Otandyq ekonomıkada bilim júıesi jeteleýshi faktor bolýy kerek ekeni qoǵamda jıi aıtylady. Osy baǵytty júzege asyrý úshin «Atameken» UKP jetekshi joǵary oqý oryndary basshylyqtaryn jınap, máselelerdi talqylaýǵa múmkindik berip otyr.
«Qazba baılyq resýrstardyń azaıýyna, munaı baǵasynyń túsiýine baılanysty el ekonomıkasyn damytýdyń jańa kózderin tabý kerek. Munaı baǵasynyń quldyraýy, árıne, qýantarlyq jaǵdaı emes, degenmen osyndaı daǵdarys kezeńin paıdalanyp, bizge ınnovasııalar, tehnologııalar, kásipkerlik salalarynda aıtarlyqtaı ilgerileý múmkindigi týyp otyr. Sondyqtan osy jaǵdaıdy barynsha tıimdi paıdalanaıyq», – dedi AlmaU kásipkerlik ýnıversıtetiniń prezıdenti Asylbek Qojahmetov.
Álemde kásipkerlik baǵytynda bilim beretin joǵary oqý oryndar júıesi qurylǵan, olar, ádette, memleket qoldaýynsyz derbes aqsha taýyp otyrǵan bilim ordalary. Bul tendensııa álemdik praktıkada oqý oryndardyń derbestigin ǵana qamtamasyz etip qana qoımaı, qoǵamǵa qajetti, naryqta suranysy bar bilikti mamandar daıyndaýda naǵyz básekelestik ortasyna aınalyp otyr. Al báseke bar jerde sapanyń ósetini aıdan anyq.
«Búginde joǵary oqý ornyna túse almaǵan, orta bilimmen shektelip jatqan jastarymyz kóp. Sondyqtan bizdiń maqsatymyz mektepten, joǵary oqý ornynan keıin halyqty kásipkerlikke baýlý. Ekonomıkanyń ilgerýinde jańa kózder qajet. Sondyqtan adamı kapıtaldyń damýyna kóptegen múmkindikter berilip otyr. Kúni keshe «Bastau bıznes» jobasy aıasynda óńirlerde kásipkerlikti úıretetin bıznes-trenerler legin jasaqtap, oqý jumystaryn bastadyq. Bul «Bastau bıznes» jobasynyń birinshi kezeńi. Bıyl respýblıkanyń 80 aýdanynda 15 myń adamdy oqytýymyz qajet. Sondyqtan «Atamekenge» jaýapkershiligi mol jumys tapsyrylǵan», – dep atap ótti «Atameken» UKP Basqarma Tóraǵasynyń orynbasary Eldar Jumaǵazıev.
Eldar Jumaǵazıevtyń aıtýynsha óskeleń urpaqtyń bilim sapasyn, biliktiligin shyndaý máselesinde bilim berýdiń jańa ádisterin paıdalanǵan jón. Balalardyń jas taıynan qyzyǵýshylyǵyn anyqtap, beıimine qaraı bolashaq mamandyǵyn baǵdarlap, soǵan qaraı mashyqtaý tıimdi. Balanyń qabiletin anyqtaý úshin túrli testter men baǵdarlamalar bar. Balanyń energııasyn, nazaryn bir salaǵa arnaý arqyly tamasha jetistikterge jetýge bolady. «Máselen, júzýden Olımpıada chempıony Dmıtrıı Balandın 5 jasynan bastap júzý sportyna jazylady da 15 jyl boıy osy salaǵa ǵana den qoıady. Nátıjesinde qanjyǵada altyn medal. Aqtóbelik mıllıoner Marat Ábıev 5 jasynan bastap kásipker bolatynyn bilgen. Bul sheshimge ákesi sebepshi bolǵan. Ákesi balasyna mektep pánderi ishinen matematıka men fızıkaǵa den qoıýdy talap etip, basqa pánder boıynsha bas qatyrmaýyn aıtady. Búginde Marat mektep bitire sala mıllıoner atandy. Mundaı mysaldar óte kóp. Osy ádisti halyq arasynda keńinen taratý kerek», – dedi UKP Basqarma Tóraǵasynyń orynbasary Eldar Jumaǵazıev.
AlmaU ýnıversıtetiniń rektory Almagúl Qanaǵatova joǵary oqý oryndardyń oqý baǵdarlamalary eski ádisterge negizdelgen, olardyń kóbisi memlekettik bıýdjet esebinen jumys isteıtinin alǵa tartty. Al ýnıversıtterge bólinetin memlekettik qoldaý jyl óte kele qysqaratyn bolady. Endi avtonomdyqqa kóshý máseleleri talqylanyp keledi. Sondyqtan otandyq bilim ordalary ózin ózi «baǵa alatyn» básekege tózimdi bolýy qajet. Bıznes-qoǵamdastyqqa kásipkerler legin daıyndaıtyn ári ózi kásipkerlik baǵytta damıtyn joǵary oqý orny qalyptasýy jón.
Qazaqstan bilim keńistiginde qandaı oqý orny kásipkerlik baǵytta jumys isteýge daıyn? Bul sanatqa jekemenshik ýnıversıtetterdi jatqyzýǵa bolady. Olardyń bazasy negizinde oqý úderisine kásipkerlik negizderin engizýge ábden múmkin.
«Ýnıversıtetter úsh deńgeıde damý kerek. Ol ýnıversıtet-kásipker, ustaz-kásipker, stýdent-kásipker. Birinshi deńgeı ýnıversıtet ózi kásipker retinde naryqqa jeke menshik oqý oryn bolyp qalyptasýy. Ol úshin elimizde zań jaǵynan bolsyn, bızneste bolsyn múmkindikter bar. Ekinshi úshinshi baǵyt boıynsha jumys istelýi qajet. Iаǵnı kásipkerlikke úıretetin kásipkerlikti biletin ustazdardy qalyptastyrý qajet. Otandyq bilim júıesinde daǵdarys kezeńi ótip jatyr. Mektep túlekteriniń shetelge oqýǵa ketip jatqanyn da nazardan qaldyrmaıyq. Kásipkerlik bilim berý baǵyty otandyq bilim berýde sapany jaqsartady, zamanýı ádister engiziledi, sonymen qatar bul ádis qarjy jaǵynan da tıimdi», – dedi S.Toraıǵyrov atyndaǵy Pavlodar memlekettik ýnıversıtetiniń rektory Aryn О́rsarıev.
Shara barysynda joǵary oqý oryndary ókilderi kásipkerlik negizderin oqytýdy qolǵa alýdy oń qabyldady. Degenmen, kásipkerlikti stýdentterge úıretetin ustazdar legin qalaı jasaqtaý kerek degen syndy kóptegen máseleler kóterildi.
«Búginde ýnıversıtetterdiń kásipkerlik bilim berý salasyna kóshý jóninde tujyrymdama jasalǵan. Alaıda bul qujat áli de jetildirýdi qajet etedi. Bul baǵytta bizge QR Bilim jáne ǵylym mınıstrligi men UKP qoldaýy qajet. Bilikti ustazdar legin jasaqtap, bútin eko-júıe qalyptastyrý kerek. Bastysy maqsatymyz anyq, aldymyzda qyrýar jumys kútip tur», – dedi Almagúl Qanaǵatova.
Sharaǵa qatysýshylar kásipkerlik bilim berý qozǵalysyn damytyp, nátıjeli jumys isteý úshin arnaıy jumys toby qajet ekenin alǵa tartty. «Atameken» UKP bastamasymen jıynǵa qatysýshylar bir aýyzdan «Qazaq kásipkerlik bilim berý qaýymdastyǵy» atty jańa qaýymdastyqtyń negizin qabyldady. Otyrys barysynda daýys berý arqyly Qaýymdastyqtyń tóraıymy bolyp AlmaU ýnıversıtetiniń rektory Almagúl Qanaǵatova taǵaıyndaldy.
