Úlgili úıden úıreneıik!

Oral qalasy Dinmuhamed Qonaev atyndaǵy shaǵyn aýdanda ornalasqan osynaý kóp qabatty №67 úıdiń ózge ǵımarattardan esh aıyrmashylyǵy joq. Biraq bul syrttaı qaraǵanda ǵana. Al esikten ishke enseńiz, tap-taza jınaqylyqqa, ár qa­batta qazaq tilinde jazylǵan ǵıbratty sózderge tap bolasyz. Ár qabatqa kóterilgen saıyn sizdi «Ta­zalyq tabaldyryqtan bastalady», «Tazalyqty saqtaý – barshanyń isi!», «Ádepti bala – arly bala», «Taza­lyq – saýlyq negizi, Saýlyq – baılyq negizi», «Uly jol úıińniń tabal­dyryǵynan bastalady» de­gen­deı naqyl sózder jazylǵan taqtaısha qarsy alady. Bul jazbalardy óz qarjysyna jasap, orna­lastyrǵan – Jahansha Dos­muhameduly atyndaǵy Oral pedagogıkalyq kolledjiniń oqytý­shy­sy Nurlan Hamzın bolyp shyqty. Ol teh­nologııa beıneleý óneri pániniń muǵalimi. – Bizdiń úıimiz 2009 jyly qańtar aıynda paı­dalanýǵa berildi. Memlekettik baǵdarlama arqyly ıpotekaǵa aldyq. Buǵan deıin otbasymyzben ár jerde páter jaldap kelgenbiz. О́z úıimizdiń, óz baspanamyzdyń tazalyǵy, tártibi úshin qolym­nan kelip turǵan ónerimdi nege aıaıyn?! Bul jazbalar kórshi­lerimizge de áser etetin sııaqty. Kire­berisimiz, bas­paldaǵymyz árqa­shan tap-taza, – deıdi Nurlan Amangeldiuly. – Osyndaı ádemi, taza úıde tur­ǵa­nyma Qudaıǵa shúkir aıtamyn. Balalarym óskenshe, 25 jyl boıy jataqhanada turdyq. Endi, mine, ul-qyzym qatarǵa qosylyp, jumys jasap, osy úıden páter aldyq. Kóp qabatty úıimizdi óz tilimizde bezendirip, atadan qalǵan asyl sózdi nasıhattap júrgen Nur­lan kórshime alǵys aıtamyn, – deı­di osy úıdiń turǵyny Aıgúl Oraz­bekova. Qazbek QUTTYMURATULY, «Egemen Qazaqstan» ORAL