Ata Zań zaman talabyna saı bolýy shart

Qaraǵandyda Qazaqstan halqy Assambleıasynyń ja­nyndaǵy «Qo­ǵam­dyq kelisim» memle­kettik me­keme­siniń uıym­das­tyrýymen konstıtýsııa­lyq reformany qoldaýǵa arnalǵan dóńgelek ústel ótti. Onyń jumysyna jergilikti zııa­ly qaýym, úkimettik emes uıymdar men BAQ ókilderi, stýdent jastar qatysty. Jıyndy Qaraǵandy oblysy boıynsha QHA Ǵylymı-sa­rap­shylyq keńesiniń tóraǵa­sy, professor Vılen Molo­tov-Lýchanskıı júrgizdi. QHA ke­ńe­siniń jumys otyrysy Qazaqstan halqy Assambleıasynyń respýb­lı­kalyq biryńǵaı kúni sheń­berinde ótti. Elbasy Nursultan Nazarbaev 25 qańtar kúni bılik tarmaqtary arasynda ókilettikterdi qaıta bólý máseleleri jóninde Úndeý jarııalaǵany belgili. Onda bılik tarmaqtarynyń ókilettikterin qaıta bólý týraly aıtyldy. Bul elimiz úshin asa taǵdyrly ári ýaqyttyń ózi talap etip otyrǵan másele ekeni málim. Úndeý jarııa bolǵan soń, Prezıdenttiń tapsyrmasymen Arnaıy jumys toby quryldy. Qaraǵandydaǵy otyrysqa qaty­sýshylardyń aıtýynsha, bul reformany júrgizý úshin Qazaqstannyń ishki saıası jaǵ­daıy ábden pisip-jetilgen. «El­basy Nursultan Nazarbaev osy sheshimdi alǵash ret jarııa etken kezde: «Zamannyń dıdary ózgerdi, biz de ózgerýimiz kerek», degen edi. Qazaqstan álemniń damý kóshine laıyqty ilesip keledi. Prezıdent «Qazaqstan-2030» Strategııasyn jarııalaǵan kezde, ony uzaq merzim sanaǵan pikirler kóp aıtyldy. Biraq, Prezıdent saıasatynyń durystyǵyn ýaqyt­tyń ózi dáleldedi. Álemdik te, tarıhı da tájirıbelerge súıensek, mem­lekettiń basty zańy – onyń Konstıtýsııasy ýaqytpen únde­se jańaryp, jańǵyryp otyrýy tıis», dedi QarMÝ-dyń Qazaq­stan tarı­hy jáne QHA kafedra­synyń meń­gerýshisi Jambyl Juma­bekov. Zań ǵylymdarynyń kandıdaty Ashat Maldybaevtyń pikirinshe, nazar aýdaratyn taǵy bir má­sele – Konstıtýsııanyń 91-ba­bynyń 2-tarmaǵyna «Táýel­­sizdik» sózin engizý. Bul – memle­keti­mizdiń aýmaqtyq tutas­ty­ǵyna, táýelsizdigine nuq­san keltirmeý maǵynasyn tolyq­ty­rý­dyń bir amaly jáne kóshi-qon zańna­malaryna sáıkes syrttan kele­tinderdiń keıbir jat pıǵy­lyna tosqaýyl bolar edi. Jıynǵa qatysýshylar atalǵan máseleler boıynsha pikirlerin ortaǵa salyp, ózara oı bólisti. Otyrys qorytyndysynda oǵan qatysýshylar ortaq mámilemen qarar qabyldady. Memlekettik bılik tarmaqtary arasynda ókilettilikti qaıta bólý máselesi búgingi kún talabyna saı týyndap otyrǵany aqıqat. Eń bastysy, memlekettik bılik tarmaqtaryn qaıta bólý elimizdiń árbir basqarý organynyń jaýapkershiligin burynǵydan da arttyra túsedi. Prezıdenttiń kóterip otyrǵan jańa bastamalary Qazaqstandaǵy bılik tarmaqtarynyń ózara qarym-qatynasynyń jańa qaǵıdattaryn bekitpek. Mıras ASAN, «Egemen Qazaqstan» QARAǴANDY