«Barys» áli de bolsyn jeńiske jete alady – Dastın Boıd

«Barys» hokkeı klýbynyń shabýylshysy Dastın Boıd «Metallýrgke» qarsy serııaly matchta áli de bolsyn jeńisten úmit baryn aıtty. «Jaǵdaıymyzdyń qıyndaı túskeni aıtpasa da belgili. Matchtyń tek sońynda ǵana oıanyp, qaýipti shabýyldar uıymdastyrǵanymyzben, tym kesh edi. Oıyn barysynda múmkindigimiz kóp bolatyn, birneshe ret oıynshy basymdyǵyna da ıe boldyq. О́kinishke oraı, sáttilik jetispedi. Alǵashqy kezeńde 1:2 esebimen ese jibersek te, bári óz qolymyzda bolatyn. Biraq áriptesterimizdiń birneshe ret aıdynnan qýylýy keri áserin tıgizdi», – dedi Dastın Boıd. «Barys» forvardynyń aıtýynsha, áli de eshnárse kesh emes eken. «Endi basqasha jospar quryp, jaǵdaıymyzdy ózgertýge bolatyn joldaryn qarastyrýymyz kerek. Bárimiz óz deńgeıimizden joǵary oınaýymyz qajet. Brendonnyń jaraqatynan aıyǵyp, qatarymyzǵa qaıta qosylǵany jaqsy boldy. Tórtinshi kezdesýde qajetti nátıjege qol jetkizemiz dep úmittenemin», – dedi ol. Aıta keteıik, keshe «Barys» Magnıtogorskiniń «Metallýrgimen» úshinshi márte kúsh synasyp, 3:5 esebimen ese jiberdi. «Metallýrg» sapynan Danıs Zarıpov aıdyn ıelerin úsh márte (28, 38, 56-mınýttar) qapy qaldyrsa, Sergeı Mozıakın (48-mınýt) men Iаn Kovarj (54-mınýt) bir-bir shaıbanyń avtory atandy. Al astanalyqtardan Dastın Boıd úsh goldyń (42, 58, 59-mınýttar) bárin saldy. Qos komandanyń arasyndaǵy jalpy esepte magnıtogorlikter 3:0-men alda keledi. Kelesi match 15 naýryzda Astanada ótedi.